Bugun,

  • USD 10940.05
  • RUB 182.26
  • EUR 11121.65

Ozarbayjon Mudofaa vazirligi Tog‘li Qorabog‘da o‘t ochishni to‘xtatish haqidagi kelishuv shartlarini buzganini rad etmoqda. Kelishuv Ozarbayjon va Armaniston o‘rtasida 2020-yilning noyabr oyida Rossiya vositachiligida imzolangandi.

Foto: “Vesama.today”

Foto: “Vesama.today”

“Mudofaa vazirligi Ozarbayjon 2020-yil 10-noyabrdagi uch tomonlama bayonotga sodiqligini va uning qoidalarini buzmaganini bildiradi”, — deyiladi vazirlik bayonotida.

Shu tarzda Ozarbayjon Mudofaa vazirligi o‘z qo‘shinlarini tan olinmagan Tog‘li Qorabog‘ respublikasidan olib chiqish haqidagi Rossiyaning chaqirig‘iga javob qaytargan. 26-mart kuni Rossiya Mudofaa vazirligi Ozarbayjon qurolli kuchlari Rossiyaning Tog‘li Qorabog‘dagi tinchlikparvar missiyasining nazoratidagi zonaga kirib, tan olinmagan respublika armiyasi bo‘linmalariga hujum uyushtirganini ma’lum qildi.

Boku vaziyat “Rossiya tinchlikparvar kontingenti vaqtincha joylashtirilgan Ozarbayjon hududida” keskinlashganini aytdi. Ozarbayjon Mudofaa vazirligi Rossiyadan “Tog‘li Qorabog‘” iborasini ishlatmaslikni va Ozarbayjon hududlari nomini to‘g‘ri ko‘rsatishni so‘radi.

Ozarbayjon Rossiyani “uch tomonlama bayonot qoidalariga muvofiq, xalqaro hamjamiyat tomonidan tan olingan Ozarbayjon hududlaridan Armaniston armiyasining qolgan qismlari va noqonuniy arman qurolli tuzilmalari to‘liq olib chiqilishini ta’minlashga” chaqirdi.

Armaniston hukumatining iddao qilishicha, 24-mart kuni Ozarbayjon harbiylari Rossiya tinchlikparvar kuchlarining nazoratidagi to‘qnashuv chizig‘ini buzib, Tog‘li Qorabog‘dagi Parux qishlog‘iga bostirib kirgan. Tan olinmagan respublika Mudofaa vazirligi 25-mart kuni otishma sodir bo‘lgani, uch qorabog‘lik va besh nafar ozarbayjonlik harbiy halok bo‘lganini ma’lum qildi. Tog‘li Qorabog‘da harbiy holat joriy etildi.

2020-yil sentabr oyi oxirida Tog‘li Qorabog‘da ko‘p yillar davomida birinchi marta keng ko‘lamli harbiy harakatlar boshlangandi. Ular bir yarim oy davom etdi; 10-noyabr kuni tomonlar Rossiya vositachiligida o‘t ochishni to‘xtatish to‘g‘risida kelishuvga erishdi. Janglar natijasida Armaniston Tog‘li Qorabog‘ respublikasining qariyb yarmini Ozarbayjonga qaytardi. Rossiya Tog‘li Qorabog‘ga tinchlikparvar kontingentini yubordi.

Izoh
Asosiy yangiliklar
Dunyo
Afg‘oniston prezidenti Najibulloning o‘ldirilishi, Rozett toshlarini o‘qishga muvaffaq bo‘lgan Shampolyon va Klivlenddagi ekologik falokat. Kun xronologiyasida 27-...
Mahalliy
Navoiydagi ko‘p qavatli uylarda lift muammosi: aholi lift ishlamayapti desa, mas’ullar uning to‘xtatilishiga lift ichidagi o‘g‘rilik, fohishabozlik sabab demoqda
Mahalliy
“Daryo” kundaligida 26-sentabrda sodir bo‘lgan eng muhim voqealar