Bugun,

  • USD 11095.31
  • RUB 173.84
  • EUR 10772.44

UEFA moliyaviy feyr-pley qoidalarini bekor qiladi va uning o‘rniga “moliyaviy barqarorlik qoidalari” deb nomlangan tizimni joriy qiladi, deya xabar qilmoqda The New York Times.

Foto: UEFA

Foto: UEFA

Yangi qoidalarga ko‘ra, klublar so‘nggi uch mavsumdagi daromadining 70 foiz qismini xarajatlarga ishlata oladi. Shu bilan birga maoshlar chegarasi bo‘lmaydi. Bu tizimga o‘tish davri uch yilni o‘z ichiga oladi.

Qayd etilishicha, UEFA prezidenti Aleksander Cheferin klublardagi tabaqalanishni sekinlashtirish uchun so‘nggi besh yil davomida maoshlar chegarasini joriy qilish uchun kurashgan. Biroq Yevropa mehnat qonunchiligi bo‘yicha bunday amaliyotning deyarli iloji yo‘q. Bundan tashqari bu qoidalarga top-klublar qarshi chiqqan.

Moliyaviy barqarorlik qoidalari ingliz va boshqa klublar o‘rtasidagi tafovutni yana-da ortib ketishiga olib kelishi mumkinligi taxmin qilinmoqda. Angliyadan tashqarida bo‘lgan ko‘plab top-klublar uchun aytilgan muddatdagi 70% daromadni sarflash qiyinchilik tug‘diradi. Birinchi navbatda bu Italiya va Ispaniya klublariga tegishli.

Ushbu qoidalarga o‘rganib olish uchun ma’lum vaqt klublarga 90% daromadni sarflashga ruxsat etiladi. Keyingi uch mavsumda bu raqam 70 foizgacha tushiriladi.

Mazkur qoidalarga amal qilmagan klublar turli sanksiya va jarimalarga uchrashidan tashqari Yevrokuboklarda quyi musobaqa tushirib yuborilishi yoki undan chetlatilishi mumkin.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Dunyo
Qozog‘iston poytaxtida namoyishlar bo‘lib o‘tmoqda (video)
Mahalliy
Qoraqalpog‘istonda YPX xodimi radar o‘rnatilgan mashinasida taksichilik qilgani aytilmoqda (video)
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj