Bugun,

  • USD 11095.31
  • RUB 173.84
  • EUR 10772.44

Oliy Majlis Senatining 19-mart kuni bo‘lib o‘tgan navbatdagi yalpi majlisida 2021-yilda tazyiqqa uchragan xotin-qizlarning 39 ming 343 nafariga himoya orderi berilgani aytib o‘tildi, deya xabar bermoqda “Daryo” muxbiri.

Majlisda ichki ishlar vaziri Po‘lat Bobojonov senatorlarga bergan axborotida zo‘ravonlikka uchrayotgan ayollar va ularga berilayotgan himoya orderlari haqida ma’lumot berdi. Senat raisi Tanzila Norboyeva mazkur holat yuzasidan o‘z munosabatini bildirdi.

Tanzila Norboyev

Tanzila Norboyev
Foto: “Daryo” / Dilruh Isomiddinova

“Ayollarga 2020-yilda himoya orderi kam berilgandi. Sababi ularning bilim darajasi past bo‘lgan. O‘tgan yili targ‘ibot ishlari yaxshi bo‘lgani tufayli ayollar himoya orderini bemalol olishga muvaffaq bo‘lishyapti. Ammo gap shundaki, ular himoya orderini oladi, lekin bu masala bilan to‘liq ishlanmayapti. Ayolga e’tibor berilyapti — u bilan psixolog ishlaydi  yoki tibbiy yordam ko‘rsatiladi. Lekin zo‘ravonlik qilgan shaxs chetda qolmoqda. Masalan, alkogolli ichimlik iste’mol qilgan va ayoliga shikast yetkazgan shaxsni olaylik. Ayol reabilitatsiya markaziga yotqiziladi, lekin zo‘ravon kimsa bilan sog‘liqni saqlash tizimi ishlamayapti. Yoki bo‘lmasa, ishsiz bo‘lgan fuqaro har kuni asabiylashib, uydagi ayoliga qattiq tegib, xafa qilyapti. Oqibatda ayol himoya orderi olib chiqib ketyapti. Erkak ishsizligicha o‘tiribdi. Bandlik xizmati o‘sha yerda uni o‘qitib ishga joylamayapti. Tezkor choralar ko‘rmayapti. U bilan ishlamayapti. Yoki zo‘ravonlik qilgan odamning ruhiy holati chatoq. Psixologlar o‘sha zo‘ravon bilan shug‘ullanmayapti. Masalaga kompleks yondashib, birgalikda harakat qilinmas ekan, loqaydlik holatlari davom etaveradi. Shuning uchun boshqa tashkilotlar bilan hamkorlikni kuchaytirishimiz kerak”, — dedi Senat raisi.

Tanzila Norboyeva bosh vazir o‘rinbosari Zulayho Mahkamovaga ayollar bilan ishlash bo‘yicha tushuntirish berdi.

“Zulayho Bahriddinovna, sizga bekorga bosh vazir o‘rinbosari degan maqom berilmagan. Mana shu tizimlarni siz qattiq tekshirishingiz kerak. Bu faqat ichki ishlarning ishi emas. Himoya orderlarini berish, ayollarning huquqiy bilimini oshirish, ularga huquqiy yordam berish bo‘yicha ichki ishlar yaxshi ishladi. Lekin bu bilan ish bitmaydi. Aytganimdek, ayol bilan ham, zo‘ravon bilan ham mukammal shug‘ullanish kerak. Bizda, afsuski, zo‘ravonlar bilan mukammal shug‘ullanish talab darajasida emas. Shuning uchun sizning kuchingiz va salohiyatingiz yetadi. Prezidentimiz tomonidan bosh vazir o‘rinbosari maqomi berildiki, shu masalada talablarni qattiq-qattiq qo‘yishingiz kerak bo‘ladi. Sog‘liqni saqlash, Xalq ta’limi, Bandlik vazirliklari va umuman olganda, bu hammaning vazifasi bo‘lishi kerak”, — dedi Senat rahbari.

Eslatib o‘tamiz, 2020-yilda xotin-qizlarni tazyiq va zo‘ravonlikdan hismoya qilish bo‘yicha prezident qarori qabul qilingan. Hujjatga asosan, tazyiq va zo‘ravonlikdan jabrlangan ayollarga himoya orderi berish tartibi tasdiqlangan. Shunigdek, xotin-qizlarga gap otganlarni javobgarlikka tortish taklif qilingan edi 

Izoh
Asosiy yangiliklar
Mahalliy
O‘zbekistonda banan narxi oshib bormoqda. Endi meva iste’moli kamayadimi?
Mahalliy
O‘zbekistonning barcha hududlarida 10-dekabr yog‘ingarchiliksiz o‘tadi
Dunyo
Sovuq urushni boshlagan Cherchill, Chexiyadagi shifoxonada ommaviy qotillik va Chili diktatori Pinochetning o‘limi. Kun xronologiyasida 10-dekabr