Pechni tozalash har doim keyinroq qoldiriladigan eng zerikarli narsalardan biridir. Natijada, yog‘ va kir to‘planadi va pech yoqilganda, tovuq yoki pirog pishirilganda, o‘zidan yoqimsiz hid chiqara boshlaydi.
Kimyoviy moddalari bilan tozalash
Pechni tozalashni osonlashtirish uchun, avvalo, haroratni 15-20 daqiqa davomida taxminan 50 darajaga qo‘yib, uni isitish kerak. Hech narsa xalaqit bermasligi uchun uning ichini bo‘shatish lozim. Pechni kimyoviy moddalar bilan tozalashda rezina qo‘lqop kiyish va oynani ochishni unutmaslik muhim. Kimyoviy moddalar kuchli hidga ega. Mahsulotni isitish elementlari va ventilyatoriga qo‘llamaslik kerak, chunki bu pechga zarar yetkazishi mumkin. Shuningdek, pech eshigidagi rezina qistirmalarga tushirmaslikka harakat qilish tavsiya etiladi.
Uy sharoitida pechni qanday tozalash kerak?
Tozalash kerak bo‘lgan joylarga vosita sepiladi va muddatidan oldin ishqalanmaydi. Pech gellari odatda 30 daqiqa ichida natijaga erishadi. Shuning uchun uni yopib, yarim soat davomida kutish kerak. Mahsulotdan foydalangandan so‘ng kimyoviy moddalarning hidini yo‘qotish uchun pechni yaxshilab yuvish tavsiya etiladi. Tozalangandan keyin pechni bir necha soat davomida ishlatish mumkin emas.
Pech va gaz plitasini sirka bilan qanday tozalash kerak?
- Dastlab sirtdan maydalangan va kuygan oziq-ovqat qoldiqlari olib tashlanadi. Bu har qanday eski plastik karta yoki oddiy qoshiq yordamida amalga oshirilishi mumkin.
- Sirkani soda bilan 1: 2 nisbatda aralashtiriladi, ozgina idish yuvish vositasi va suv qo‘shiladi.
- Olingan aralashma bilan pechning devorlar qattiq cho‘tka yoki gubka bilan artiladi.
- Idishlarni yuvish vositasi o‘rniga suvda suyultirilgan (taxminan 25 gramm) kir yuvish sovunini ham ishlatish mumkin. Olingan aralashma pechning devorlariga surtiladi va bir necha soatga qoldiriladi.
- Iste’mol sodasi pech oynasida 40 daqiqaga qoldirilsa, shisha eshigidagi yog‘ qoldiqlarini olib tashlashga yordam beradi.
- Bundan tashqari, pechning devorlarini sirka bilan artib, ustiga soda sepish mumkin. O‘zaro ta’sirlashganda, vodorod hosil bo‘ladi, bu yuzadan yog‘ni tozalashga yordam beradi.
- Tezroq yaxshi natijaga erishish uchun iste’mol sodasiga limon kislotasi va sirka qo‘shish mumkin.
- Ushbu usul uchun ikkita idish kerak bo‘ladi.
- Pechni 70 darajaga oldindan qizdiriladi va keyin o‘chiriladi.
- Qaynoq suv bilan to‘ldirilgan idishni pechning yuqori qismiga va pastkisiga boshqasiga nashatir spirtli aralashma qo‘yiladi.
- Ikkala idish ham bir kechaga pechda qoldiriladi.
- Ertalab ular olib tashlanadi, nashatir spirti solingan idishga iliq suv va idish yuvish vositasi qo‘shiladi va pech eritma bilan artib olinadi.
Yog‘li taomlarni pishirayotganda folga yoki pishirish qog‘ozi yordamida pechga yog‘ sachrashining oldini olish mumkin.
Piroliz funksiyasiga ega pech modellarini yuvish kerak emas, qurilmada o‘zini o‘zi tozalash funksiyasini yoqilsa, oziq-ovqat va yog‘ qoldiqlari yuqori haroratda eriydi va bu vaqtda pech eshigini ochib bo‘lmaydi.
Mavzuga doir:
Izoh (0)