Bugun,

  • USD 11095.31
  • RUB 173.84
  • EUR 10772.44

“Sen aziz va muqaddassan, ayol” konsert dasturi rejissor Sa’dulla Abdullayev tomonidan 24 yildan buyon tashkil etiladi. Bu yil ham olti seansdan iborat konsert o‘tkazildi. Konsert muxlislar sog‘ingan xonandalarning tashrifiga, rang-barang raqslar va kutilmagan syurprizlarga boy bo‘ldi. Dasturda mashhur san’atkorlar bilan birga, iste’dodli va san’at olamiga endi qadam qo‘yayotgan ijrochilar ham ishtirok etdi.

Foto: “Daryo”

Foto: “Daryo”

Foto: “Daryo”

Foto: “Daryo”

— Shu kungacha 30 dan ortiq davlatga borganman. Ammo hech yerda o‘zbek ayollaridek go‘zal, sabrli va mehnatsevar insonlar yo‘q. Bayram bilan barcha ayollarni tabriklayman. Bundan keyingi ijodim avvalgisidan ham zo‘r bo‘ladi. Nasib qilsa, may oyida yakkaxon konsert dasturimni ham taqdim etamiz, — deydi xonanda Jasur Umirov.

Foto: “Daryo”

Foto: “Daryo”

Konsert teatrlashtirilgan tomoshalarga boy bo‘ldi. Rejissor navbatdagi konsertida jonli kliplarga alohida e’tibor bergan.

Foto: “Daryo”

Foto: “Daryo”

Yosh ijodkorlarni sahnaga olib chiqishdan hayiqmaydigan rejissor Sa’dulla Abdullayev navbatdagi konsertida Azizbek G‘ulomov ismli yosh xonandani olib chiqdi. U O‘zbekiston xalq artisti G‘ulomjon Yoqubovning nabirasi hisoblanadi. U konsertda “Mama” qo‘shig‘i bilan ishtirok etdi. Bolakayning gapiga ko‘ra, uni konsertga rejissor Sa’dulla Abdullayev taklif etgan.

Foto: “Daryo”

Foto: “Daryo”

— Ayollarsiz hayotni tasavvur etish qiyin. Agar ayol kishi yetti kun tug‘uruqxonada bo‘lsa, erkak uyidan paypog‘ini ham topolmay qoladi. Uyning fayz-barakasi, saranjomligi ayollarga bog‘liq. Bayram muborak bo‘lsin, aziz ayollar, — dedi qiziqchi Zokir Ochildiyev.

Foto: “Daryo”

Foto: “Daryo”

Konsertda bastakor Sultonali Rahmatovning yangi musiqiy asarlari bilan ishtirok etdi. Ayniqsa, uning “Zikr” musiqasi tomoshabinlar tomonidan iliq qarshi olindi. Unga ajoyib raqs kompozitsiya sahnalashtirilgan.

Foto: “Daryo”

Foto: “Daryo”

— Bayramga qimmatbaho sovg‘a kutmayman, e’tiborning o‘zi katta sovg‘a. Turmush o‘rtog‘im sovg‘a tanlashga usta, ammo u insonning aytgan shirin so‘zi ham har qanday sovg‘adan qadrliroq. Ayollarga baxt va omad tilayman. Hech birimizni go‘zallik va sog‘liq tark etmasin, — deydi xonanda Umidaxon.

Foto: “Daryo”

Foto: “Daryo”

Bastakor Sultonali Rahmatovning qo‘shiqlari tinglovchilar tomonidan ana shunday qarshi olindi.

Foto: “Daryo”

Foto: “Daryo”

Dasturning doimiy boshlovchilari  Mirzabek Xolmedov, Muzaffar Mirzarahimov, Zokir Ochildiyev, O‘tkir Muhammadxo‘jayev va Olimjon O‘rozovlar tomoshaga yanada fayz bag‘ishladi.

Foto: “Daryo”

Foto: “Daryo”

— Yosh ijodkorlarni katta sahnaga olib chiqishdan qo‘rqmayman. Chunki o‘zim ham bir paytlar qandaydir to‘siqlarni yengib, qiyinchilik bilan bu kunlarga yetganman. Shu bois har yilgi konsertda yangi ovozlarni olib chiqishga harakat qilaman. Albatta, bu ayrim tomoshabinlarga yoqmaydi. Sokin qo‘shiqlar ko‘payib ketibdi, nega tanilmaganlarni olib chiqdingiz, deyishadi. Ularga bir paytlar Ozodbek Nazarbekovni katta sahnaga olib chiqqanimda uni hech kim tanimasdi, bugun esa el suygan san’atkor va vazir lavozimlariga ko‘tarildi, deyman. Dilnoza Ismiyaminova, Samandar Hamroqulov va Malika Ravshanova ham ana shunday “topilma” bo‘lishgan.Har yilgi konsert dasturida yangilik qilishga intilaman. Chunki gala-konsertda faqat qo‘shiqchining mashhurligiga suyanib qolish kerakmas. Rejissor o‘zi his qilayotganlarni ko‘rsata olishi kerak, — deydi konsert rejissori Sa’dulla Abdullayev.

Foto: “Daryo”

Foto: “Daryo”

Tomosha konsert gimniga aylangan “Sen aziz va muqaddassan, ayol” qo‘shig‘i bilan yakunlandi. Faqat navbatdagi qo‘shiqni yosh ijrochilar kuyladi.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi