28-fevral kuni realme kompaniyasi tez quvvat oluvchi, yangi GT Neo 3 smartfonini taqdim etdi. 150W quvvat bilan uning akkumulyatori atigi 5 daqiqada 50 foizgacha zaryadlanadi. Bundan tashqari, realme UltraDart Charging deb nomlangan 100—200W quvvatga ega smartfonni zaryadlashning noyob arxitekturasini taqdim qildi. Bu yuqori zaryadlash tezligi, xavfsizlik va batareyaning uzoq muddat ishlashini o‘zida mujassamlashtirgan yaxlit yechim.
150W UltraDart Charge — tez smartfon zaryadlash texnologiyasi
Smartfonlarni tez zaryadlash so‘nggi yillardagi eng muhim innovatsion yangiliklardan biri bo‘lib, foydalanuvchilarning mobil qurilmalardan foydalanish uslubini o‘zgartirdi. Ilgari realme gadjetlari odatda 18 dan 65W gacha quvvatga ega Dart Charge yoki SuperDart Charge zaryadlash texnologiyasini ishlatar edi, bu ularni 35 daqiqada to‘liq quvvatlantirish imkonini berardi. Kompaniya tezroq va samaraliroq yechim yaratish ustida ishlashni davom ettirdi. realme’ning yangi 150W texnologiyasi atigi 5 daqiqada batareyangizni 50 foiz quvvatgacha zaryadlaydi.
UltraDart — birinchi 100-200W quvvatga ega mobil zaryadlash arxitekturasi
UltraDart yoki UDCA (UltraDart Charging Architecture) realme’ning innovatsion yechimi bo‘lib, dunyodagi yetakchi va ilg‘or zaryadlash arxitekturasi hisoblanadi. UDCA yuqori tezlik, xavfsizlik va batareyaning uzoq muddat ishlash qobiliyatini saqlab qolgan holda 100W dan 200W gacha zaryadlash quvvatini ta’minlaydi.
Foydalanuvchilar xavfsizligini ta’minlash uchun UDCA haroratni boshqarish algoritmiga asoslangan, Ultra Heat Management funksiyasi yordamida zaryadlash vaqtida smartfonni optimal haroratda saqlashga yordam beradi. Shu tariqa, qurilma 43°C dan yuqori qizib ketmaydi. Natijada gadjet egalari bemalol uzoq vaqt davomida va xavfsizlikda o‘yin o‘ynashi yoki video tomosha qilishi mumkin.
UDCA shuningdek, Ultra Battery Protection yordamida batareyaning ishonchli himoyasini ta’minlaydi. Odatda bozorda mavjud bo‘lgan boshqa tez zaryadlash texnologiyalaridan foydalanilganda, batareyaning ishlash muddati qisqaradi. Biroq realme’ning UDCA texnologiyasi sanoatning ilg‘or va sifatli litiy batareyalaridan foydalanadi va 1000 marotaba va undan ko‘p to‘liq zaryadlash davrlaridan keyin ham o‘zining 80 foiz sig‘imini saqlab qoladi.
Tez kunlarda realme yangi texnologiyani ommaviy ishlab chiqarishga tatbiq qiladi. realme GT Neo 3 UDCA 150W zaryadlash quvvatiga ega, tez quvvatlanuvchi smartfon bo‘ladi.
TSMC’ning 5nm ishlab chiqarish texnologiyasiga asoslangan, MediaTek Dimensity 8100 mobil platformasi 2,85 gigagerts chastotali to‘rtta Cortex-A78 yadrosi va 2,0 gigagerts chastotali to‘rtta Cortex-A55 yadrolari bilan jihozlangan va bu protsessorning yuqori samaradorligini ta’minlaydi. ARM G610 MC 6 grafik protsessori bilan jihozlangan Dimensity 8100 yuqori darajadagi GPU unumdorligini va yuqori quvvat samaradorligini ta’minlaydi. realme butun dunyoning yosh foydalanuvchilariga yangi foydalanuvchi tajribasini taqdim etish uchun MediaTek bilan ishlashda davom etadi.
realme kompaniyasi haqida
realme — smartfon va “aqlli qurilma”lar ishlab chiqarishga ixtisoslashgan texnologiya brendi bo‘lib, qabul qilingan standartlarni o‘zgartirishni o‘zining asosiy maqsadi sifatida ko‘radi. Kompaniya 2018-yil 4-mayda (Xitoy milliy yoshlar kuni) Sky Li tomonidan dunyoning turli burchaklaridan kelgan, mobil mahsulotlar sohasida boy tajribaga ega bo‘lgan hamfikrlar guruhi bilan birgalikda tashkil etilgan. realme yuqori unumdorlik va zamonaviy dizayndagi mahsulotlarni yaratishga, mukammal xizmat ko‘rsatishga va smartfonlarning barcha texnologik imkoniyatlarini ochib berishga intiladi. Counterpoint Research ma’lumotlariga ko‘ra, 2021-yilning ikkinchi choragida realme dunyodagi yaxshi 6 smartfon ishlab chiqaruvchi kompaniyalar qatoriga kirdi va bugungi kunda sotilgan smartfonlar soni 100 millionga yetib, uni tez rivojlanayotgan smartfon brendiga aylantirdi.
realme doimiy ravishda sotuvlar geografiyasini kengaytirmoqda, hozirda kompaniya Xitoy, Hindiston, Rossiya, Janubi-sharqiy Osiyo, Yevropa va Afrika kabi 60 dan ortiq bozorlarda taqdim etilgan. Canalys hisobotiga ko‘ra, 2021-yil iyul oyida brend Rossiyadagi sotuvlar bo‘yicha top-3, birinchi uchlikka kirdi.
realme ijtimoiy tarmoqlarda:
Sayt: https://www.realme.com/uz/
Instagram: realmeuzbekistan
Telegram kanal: t.me/uzrealme
Reklama huquqi asosida.
Izoh (0)