28 февраль куни realme компанияси тез қувват олувчи, янги GT Neo 3 смартфонини тақдим этди. 150W қувват билан унинг аккумулятори атиги 5 дақиқада 50 фоизгача зарядланади. Бундан ташқари, realme UltraDart Charging деб номланган 100—200W қувватга эга смартфонни зарядлашнинг ноёб архитектурасини тақдим қилди. Бу юқори зарядлаш тезлиги, хавфсизлик ва батареянинг узоқ муддат ишлашини ўзида мужассамлаштирган яхлит ечим.
150W UltraDart Charging — тез смартфон зарядлаш технологияси
Смартфонларни тез зарядлаш сўнгги йиллардаги энг муҳим инновацион янгиликлардан бири бўлиб, фойдаланувчиларнинг мобил қурилмалардан фойдаланиш услубини ўзгартирди. Илгари realme гаджетлари одатда 18 дан 65W гача қувватга эга Dart Charge ёки SuperDart Charge зарядлаш технологиясини ишлатар эди, бу уларни 35 дақиқада тўлиқ қувватлантириш имконини берарди. Компания тезроқ ва самаралироқ ечим яратиш устида ишлашни давом эттирди. realme’нинг янги 150W технологияси атиги 5 дақиқада батареянгизни 50 фоиз қувватгача зарядлайди.
UltraDart — биринчи 100-200W қувватга эга мобил зарядлаш архитектураси
UltraDart ёки UDCA (UltraDart Charging Architecture) realme’нинг инновацион ечими бўлиб, дунёдаги етакчи ва илғор зарядлаш архитектураси ҳисобланади. UDCA юқори тезлик, хавфсизлик ва батареянинг узоқ муддат ишлаш қобилиятини сақлаб қолган ҳолда 100W дан 200W гача зарядлаш қувватини таъминлайди.
Фойдаланувчилар хавфсизлигини таъминлаш учун UDCA ҳароратни бошқариш алгоритмига асосланган, Ultra Heat Management функцияси ёрдамида зарядлаш вақтида смартфонни оптимал ҳароратда сақлашга ёрдам беради. Шу тариқа, қурилма 43°C дан юқори қизиб кетмайди. Натижада гаджет эгалари бемалол узоқ вақт давомида ва хавфсизликда ўйин ўйнаши ёки видео томоша қилиши мумкин.
UDCA шунингдек, Ultra Battery Protection ёрдамида батареянинг ишончли ҳимоясини таъминлайди. Одатда бозорда мавжуд бўлган бошқа тез зарядлаш технологияларидан фойдаланилганда, батареянинг ишлаш муддати қисқаради. Бироқ realme’нинг UDCA технологияси саноатнинг илғор ва сифатли литий батареяларидан фойдаланади ва 1000 маротаба ва ундан кўп тўлиқ зарядлаш даврларидан кейин ҳам ўзининг 80 фоиз сиғимини сақлаб қолади.
Тез кунларда realme янги технологияни оммавий ишлаб чиқаришга татбиқ қилади. realme GT Neo 3 UDCA 150W зарядлаш қувватига эга, тез қувватланувчи смартфон бўлади.
TSMC’нинг 5нм ишлаб чиқариш технологиясига асосланган, MediaTek Dimensity 8100 мобил платформаси 2,85 гигагерц частотали тўртта Cortex-A78 ядроси ва 2,0 гигагерц частотали тўртта Cortex-A55 ядролари билан жиҳозланган ва бу процессорнинг юқори самарадорлигини таъминлайди. ARM G610 MC 6 график процессори билан жиҳозланган Dimensity 8100 юқори даражадаги GPU унумдорлигини ва юқори қувват самарадорлигини таъминлайди. realme бутун дунёнинг ёш фойдаланувчиларига янги фойдаланувчи тажрибасини тақдим этиш учун MediaTek билан ишлашда давом этади.
realme компанияси ҳақида
realme — смартфон ва «ақлли қурилма»лар ишлаб чиқаришга ихтисослашган технология бренди бўлиб, қабул қилинган стандартларни ўзгартиришни ўзининг асосий мақсади сифатида кўради. Компания 2018 йил 4 майда (Хитой миллий ёшлар куни) Sky Li томонидан дунёнинг турли бурчакларидан келган, мобил маҳсулотлар соҳасида бой тажрибага эга бўлган ҳамфикрлар гуруҳи билан биргаликда ташкил этилган. realme юқори унумдорлик ва замонавий дизайндаги маҳсулотларни яратишга, мукаммал хизмат кўрсатишга ва смартфонларнинг барча технологик имкониятларини очиб беришга интилади. Counterpoint Research маълумотларига кўра, 2021 йилнинг иккинчи чорагида realme дунёдаги яхши 6 смартфон ишлаб чиқарувчи компаниялар қаторига кирди ва бугунги кунда сотилган смартфонлар сони 100 миллионга етиб, уни тез ривожланаётган смартфон брендига айлантирди.
realme доимий равишда сотувлар географиясини кенгайтирмоқда, ҳозирда компания Хитой, Ҳиндистон, Россия, Жануби-шарқий Осиё, Европа ва Африка каби 60 дан ортиқ бозорларда тақдим этилган. Canalys ҳисоботига кўра, 2021 йил июль ойида бренд Россиядаги сотувлар бўйича топ-3, биринчи учликка кирди.
realme ижтимоий тармоқларда:
Сайт: https://www.realme.com/uz/
Instagram: realmeuzbekistan
Telegram канал: t.me/uzrealme
Реклама ҳуқуқи асосида.
Изоҳ (0)