Ukrainadan Polsha orqali evakuatsiya qilingan O‘zbekiston fuqarolari soni 1 859 nafarga yetdi. Bu haqda Tashqi ishlar vazirligi rasmiy vakili ma’lum qildi.
2–3-mart kunlari Uzbekistan Airways AJning uchta samolyoti bilan 671 nafar O‘zbekiston fuqarosi Polshaning Katovitse aeroporti orqali Ukrainadan evakuatsiya qilingan. Ular orasida 129 ayollar, 82 bolalar va 14 chaqaloqlar bor.
Umumiy hisobda Ukrainadan Polsha hududi orqali sakkizta aviareyslar bilan 1 859 nafar O‘zbekiston fuqarosi olib kelingan. 3-mart kuni yana bir necha evakuatsiya qatnovini tashkil etish rejalashtirilgan.
Polsha hududida O‘zbekistonning 1100 dan ortiq fuqarosi qolmoqda. Ulardan 550 nafari Polsha davlat chegarasidagi to‘planish nuqtasiga, 550 nafari esa Katovitse aeroportiga joylashtirilgan.
O‘zbekistonning Ukrainadagi elchixonasi tomonidan jangovar harakatlar ketayotganiga qaramay, fuqarolarni evakuatsiya qilish ishlari davom ettirilmoqda.
Ukrainadan evakuatsiya qilinayotgan o‘zbekistonliklarning dastlabki guruhi 28-fevral kuni, ikkinchi guruhi esa 1-mart kuni Toshkentga yetib keldi. 2-mart kuni yana ikkita maxsus reys amalga oshirilgan. Katovitse shahridan Toshkentga 251 nafar O‘zbekiston fuqarosi bo‘lgan oltinchi samolyot 2-mart kuni soat 20:20 da, yettinchisi 3-mart kuni 00:30 da kelib qo‘ngandi.
Mavzuga doir:
- Polsha orqali evakuatsiya qilinayotgan o‘zbekistonliklar 15-martgacha mamlakatni tark etishi kerak — TIV rasmiy vakili
- “Bomba portlashini kinoda ko‘rish bilan tanangda his qilish boshqa ekan” — shiddatli janglar kechayotgan Xarkovdan qaytgan o‘zbekistonliklar
- “Himoyalangan bunkerlarda qolish tavsiya etiladi”. TIV Ukrainaning ayrim shaharlaridan fuqarolarni evakuatsiya qilish harbiy harakatlar tugagach amalga oshirilishini ma’lum qildi
Izoh (0)