Bugun,

  • USD 11095.31
  • RUB 173.84
  • EUR 10772.44

Namangan viloyatidagi 6706 ta transformator punktining 2239 tasi yoki uchdan bir qismi moddiy va ma’naviy jihatdan eskirgan, ular 40 yildan oshiq vaqtdan beri foydalanib kelinmoqda. Bu haqda “Namangan hududiy elektr tarmoqlari korxonasi” aksiyadorlik jamiyati bosh direktori Javlon Xalilov ma’lum qildi, deya xabar beradi “Daryo” muxbiri Azizbek Abduvaliyev.

Foto: Rahmonjon Mamadaliyev

Foto: Rahmonjon Mamadaliyev

“Bu yil 328 ta yangi transformator punkti o‘rnatishni rejalashtirganmiz. Yana 1200 kilometrga yaqin elektr uzatish tarmoqlari tortamiz. Bu ishlarning barchasi uchun 111 milliard so‘mdan ortiq mablag‘ sarflash ko‘zda tutilgan”, — deydi Javlon Xalilov.

Foto: Rahmonjon Mamadaliyev

Foto: Rahmonjon Mamadaliyev

Bosh direktorning aytishicha, Namanganda elektr ta’minoti bo‘yicha holati eng og‘ir bo‘lgan 30 ta mahalla ajratib olingan va “qizil” hududga kiritilgan. Ushbu mahallalarda elektr tarmoqlari, transformator punktlari mukammal ta’mirlanadi va yangilanadi, temir-beton tayanchlar o‘rnatiladi. Mutasaddilar ushbu mahallalarning har birida bo‘lib, aholi uchun taqdimot o‘tkazadi va bu ishlar qachon amalga oshirilishiga aniqlik kiritadi.

Foto: Rahmonjon Mamadaliyev

Foto: Rahmonjon Mamadaliyev

“Aholi aksar uzilishlar bo‘lgan payt elektr tarmoqlari korxonalariga qo‘ng‘iroq qilib tushib bo‘lmasligidan noliydi. Svet o‘chgan payt har ikki xonadondan biri biz bilan bog‘lanishga harakat qilishini tushuntirishga harakat qilamiz. Lekin baribir mijoz haq. Bunday asabbuzarlikka barham berish uchun mas’ul xodimlar va ustalarimiz telefon raqamlarini ijtimoiy tarmoqlarda e’lon qilinadi, mahalla raislari va hokim yordamchilariga yetkaziladi”, — deydi Xalilov.

Izoh
Asosiy yangiliklar
Dunyo
Eron oliy rahnamosi Yevropa davlatlarida Qur’onning yoqib yuborilishiga munosabat bildirdi  
Moliya
2022-yilda O‘zbekistonga pul o‘tkazmalari rekord darajadagi 17 mlrd dollarga yetdi
Mahalliy
Fotogalereya: O‘zbekiston va Qirg‘iziston o‘rtasidagi tarixiy aloqalar