AQShning Mayami shahrida 28-yanvardan 29-yanvarga o‘tar kechasi (Toshkent vaqti bilan 29-yanvar erta tongda) MMA bo‘yicha Eagle FC 44 turniri bo‘lib o‘tadi.

Foto: Instagram / @firdavs_khasanov_

Unda o‘zbekistonlik jangchi Firdavs Hasanov ham ishtirok etadi. Hasanov amerikalik Shon Banchga (10-5, 3 KO) qarshi oktagonga ko‘tariladi.

27 yoshli Firdavs Hasanov yengil vazn toifasida (57-61 kg) harakat qiladi. Tomonlar jangdan oldin tarozidan o‘tgan. Unga ko‘ra Hasanov 60,8 kg, Banch esa 61,5 kg tosh bosgan.

Hasanov shu vaqtga qadar MMA’da 6 ta jang o‘tkazib, shularning 4 tasida g‘alaba qozongan bo‘lsa (1 ta jangda raqibini nokautga uchratgan), ikkitasida mag‘lubiyatga uchragan.

Shuningdek, mazkur oqshomda quyidagi janglar bo‘lib o‘tadi:

Asosiy kard:

  • Sergey Xaritonov—Tayron Spong
  • Rashad Evans—Gabriel Chekko
  • Rey Borg— Kodi Gibson
  • Ramazan Kuramagomedov— Don Hovard
  • Raymond Magomedaliyev—Entoni Njokuani

Prelim kard:

  • Arman Ospanov—Dilan Salvador
  • Yorgan de Kastro—Shon Asher
  • Mayls Hansinger—Demarkus Jekson
  • Loik Radjabov—Zak Zeyn
  • Sitik Muduyev—Maydeddin Ayadi

Foto: Instagram / @eaglefcmma

Ma’lumot uchun, Eagle Fighting Championship promousheni UFC sobiq chempioni Habib Nurmagomedovga tegishli. Nurmagomedov promoushenga 2020-yilda asos solgan.