JCh—2022 saralashi Osiyo mintaqasi 3-bosqich 7-turidan o‘rin olgan o‘yinda Eron Iroq terma jamoasini 1:0 hisobida taslim etdi.
Uchrashuvdagi yagona golni 48-daqiqada Mehdi Taremi urdi. Shu tariqa eronliklar Qatarda bo‘lib o‘tadigan mundialga yo‘llanmani muddatidan avval qo‘lga kiritdi va bu borada Osiyoda birinchi bo‘ldi. Jamoa A guruhida birinchi o‘rinni mustahkamladi.
Dragan Skoshich shogirdlari nufuzli musobaqaga yo‘llanmani qo‘lga kiritgan 14-jamoaga aylandi. Bundan avval Qatar (mezbon sifatida), Germaniya, Daniya, Braziliya, Argentina, Belgiya, Fransiya, Xorvatiya, Ispaniya, Serbiya, Shveysariya, Angliya, Niderlandiya terma jamoalari muddatidan avval JChga chiqqan edi.
Qayd etish kerak, Eron terma jamoasi ketma-ket uchinchi marta Jahon Chempionatiga yo‘l oldi. Qatarda bo‘lib o‘tadigan mundial 21-noyabrdan 18-dekabrga qadar davom etadi.
JCh-2022 saralashi
27-yanvar, payshanba
Eron – Iroq 1:0
Gol: 1:0 — 48 TaremiEron: Amir Abidzoda, Sodiq Muharrami, Shoja Halilzoda, Muhammad Kanoni, Omid Nurafkan, Said Izzattullohi (Kamol Kamyabinia, 87), Alirizo Jahonbahsh, Vohid Amiri, Ali Golizade, Mehdi Taremi, Saman Goddos (Payam Niazmand, 77).
Iroq: Fahad Tolib, Ahmad Ibrohim, Frans Putros, Hasan Matruk (Zidan Iqbol, 82), Bashar Rezan, Muhammad Ali (Hasan Sayyid, 57), Amir al-Ammari (Hasan Abdulkarim, 58), Ahmad Farxan (Hassan Ahmad, 73), Ayman Hussayn, Saad Abdul Amir, Maytam Jabbor.
Izoh (0)