Farg‘onada 2021-yilda deyarli 6 mlrd so‘mlik elektr energiyasi o‘g‘irlangani ma’lum qilindi

Farg‘onada viloyat bo‘yicha 2021-yil boshidan beri aholi iste’molchilari tomonidan 1268 ta holatda elektr energiyasidan noqonuniy foydalanish holatlari aniqlangan bo‘lib, ushbu noqonuniy holatlar yuzasidan umumiy 921,3 million so‘m qayta hisob-kitob ishlari amalga oshirilgan. Bu haqda Energetika vazirligi xabar qildi.

Bundan tashqari, ulgurji iste’molchilar tomonidan 772 ta holatda elektr energiyasidan noqonuniy foydalanish holatlari aniqlanib, umumiy hisobda 5 milliard 850 million so‘mga qayta hisob-kitob ishlari amalga oshirilgan.

“Farg‘ona hududiy elektr tarmoqlari korxonasi” tomonidan joylarda muntazam elektr energiyasidan noqonuniy foydalanish holatlarining oldini olishga qaratilgan reyd tadbirlari o‘tkazib kelinmoqda.

Bundan avval Xitoy kompaniyasi Farg‘onada 350 mln dollarga quyosh fotoelektr stansiyasi qurishni rejalashtirayotgani hamda O‘zbekiston elektr energiyasi eng arzon 10 ta davlat qatoriga kirgani haqida xabar qilingandi.