O‘zbekistondagi tijorat banklarida dollar kursi 10 850 so‘mga qadar ko‘tarildi

O‘zbekistondagi bir nechta tijorat banklari 10-dekabr, juma kuni dollar valyutasining so‘mga nisbatan kursini oshirdi. Aksariyat banklar 1 AQSh dollarini 10 740—10 790 so‘mga sotib olishni, 10 830—10 850 so‘mga sotishni taklif qilmoqda.

Quyida dollarning ayrim banklardagi kurslari keltirilgan:

• Universalbank: sotib olish — 10 790 so‘m, sotish — 10 850 so‘m;
• Asia Alliance Bank: sotib olish — 10 790 so‘m, sotish — 10 840 so‘m.
• “Milliy bank”: sotib olish — 10 780 so‘m, sotish — 10 840 so‘m;
• “Aloqa bank”: sotib olish — 10 760 so‘m, sotish — 10 840 so‘m;
• “Mikrokredit bank”: sotib olish — 10 760 so‘m, sotish — 10 840 so‘m;
• “Kapital bank”: sotib olish — 10 780 so‘m, sotish — 10 830 so‘m;

Dollar kursi noyabr o‘rtalaridan boshlab keskin o‘sishni boshlagan. 29-noyabr kuni 10 830 so‘mga qadar, 30-noyabr kuni 10 840 so‘mga qadar ko‘tarilgandi. Markaziy bank o‘zbek valyutasi 2021-yilning yanvar—oktabr oylarida 2 foizgagina qadrsizlanganini ma’lum qilgandi — bu so‘nggi yillardagi eng past ko‘rsatkich hisoblanadi. Biroq Hisob palatasi 2022-yilda dollar kursi 11 300 so‘mgacha ko‘tarilishini prognoz qilmoqda.