O‘zbekistonda yangi 50 ming va 100 ming so‘mlik kupyuralar muomalaga chiqarilishi kutilyapti. Bu haqda o‘z manbasiga tayanib, “Xabar.uz” nashri xabar berdi.

Foto: “Daryo” / Madina Nurman

Yangi ko‘rinishdagi kupyuralar qachon chiqarilishi va qanday ko‘rinishda bo‘lishi hozircha ma’lum emas.

Eslatib o‘tamiz, O‘zbekistonda 2021-yilning 14-iyunidan boshlab nominal qiymati 2 000 so‘m va 20 000 so‘m bo‘lgan banknot ko‘rinishidagi yangi pul belgilari muomalaga chiqarilgandi. 2021-yilning 26-avgustidan boshlab esa muomalaga O‘zbekistonda 5 ming va 10 ming so‘mlik banknotalar yangi ko‘rinishda chiqarilishini boshlagan edi. O‘shanda Markaziy bank vakili 5 ming va 10 ming so‘mlik banknotalar yangi ko‘rinishda chiqarilishiga banknotlarni yagona tematikaga birlashtirish maqsadi ham sabab bo‘lganini aytib o‘tgandi.

Ma’lumot uchun, hozirgi vaqtda o‘zbek so‘mining eng katta qiymatli kupyurasi 100 000 so‘m hisoblanadi. Mazkur kupyura 2019-yil 25-fevraldan muomalaga chiqarilgan.