Ijtimoiy tarmoqlarda “Mizdakxon kompleksi” hududida joylashgan Halifa Rajab (Yerejep) maqbarasi tarixiy yodgorligi hududida yangi qabrlar uchun yerlar sotilayotgani haqida xabar tarqaldi. Madaniy meros agentligi holat bo‘yicha izoh berdi.
Qayd etilishicha, oktabr oyida Qoraqalpog‘iston Madaniy meros boshqarmasi tomonidan “Mizdakxon kompleksi” tarixiy obidalar hududida o‘rganish ishlari olib borilgan.
O‘rganish natijalariga ko‘ra, “Mizdakxon kompleksi”dan qabriston sifatida foydalanib kelinayotgani aniqlangan. Shundan so‘ng, Xo‘jayli tuman obodonlashtirish boshqarmasiga tarixiy obidalar hududida qabrlarning joylashtirilishini nazoratga olish vazifasi yuklangan. Ammo hozirgi vaqtda boshqarma tomonidan ushbu vazifa to‘liq nazoratga olinmagan.
1-dekabr kuni Turizm va sport vazirligi huzuridagi Madaniy meros agentligi direktori Tursunali Qo‘ziyev boshchiligidagi respublika ishchi guruhi tomonidan Qoraqalpog‘istonda o‘rganish ishlari olib borish jarayonida mazkur masala nazoratga olingan.
Shuningdek, Qoraqalpog‘iston Madaniy meros boshqarmasiga madaniy meros obyekti hududini muhofaza qilish va asrashga doir ko‘rsatmalar berilgan.
Hozirda Qoraqalpog‘iston prokuraturasi tomonidan o‘rganish ishlari olib borilmoqda.
Izoh (0)