Bugun,

  • USD 11014.01
  • RUB 191.8
  • EUR 10674.78

Dunyo va o‘zbek sportiga oid 9-dekabrning eng muhim xabarlari dayjesti bilan tanishing.

O‘zbekiston

OFK 2023-yildan O‘zbekiston klublariga 2+2 shaklida o‘rin ajratadi

Foto: Twitter

Osiyo futbol konfederatsiyasi tashkilotga a’zo mamlakatlar assotsiatsiyalaridan 2023-yilgi mavsum davomida qit’aning klublar miqyosidagi nufuzli musobaqasi — Osiyo Chempionlar Ligasida qatnashadigan klublar soniga aniqlik kiritdi, deb xabar berdi O‘FA matbuot xizmati.

Unga ko‘ra, Osiyo Chempionlar Ligasining 2023-yilgi mavsumida O‘zbekiston klublariga 2+2 ko‘rinishida kvota ajratiladi. Bunda O‘zbekiston Superligasi chempioni va mamlakat kubogi g‘olibi OChL bahslarining guruh bosqichiga to‘g‘ridan to‘g‘ri yo‘l oladi. Milliy chempionatning 2 va 3-o‘rin sohiblari esa OChLdagi yurishini saralash bosqichidan boshlaydi.

Ma’lumot uchun, 2021-yilgi mavsum yakunlariga bo‘yicha Superliga g‘olibi “Paxtakor” Chempionlar Ligasining guruh bosqichiga to‘g‘ridan to‘g‘ri yo‘llanma oldi. Kubok sohibi “Nasaf” esa o‘z ishtirokini pley-off bosqichidan boshlaydi. Agar “ajdarlar” saralashdan o‘tishning uddasidan chiqsa, Superligada 2-o‘rinni egallagan “So‘g‘diyona” ham OChLda ishtirok etadi.

FIFA fransiyalik futbolchi bilan bog‘liq vaziyat tufayli “Nasaf”ga taqiq qo‘ydi. U qarshiliklar safida bitta ham o‘yin o‘tkazmagan

Diakite Abdelaye va Marko Stanoyevich

Diakite Abdelaye va Marko Stanoyevich
Foto: “Nasaf”

FIFA “Nasaf” jamoasiga taqiq qo‘ydi. Bunga qarshiliklarning fransiyalik futbolchi Abdelaye Diakite bilan tuzilgan shartnoma shartlari bajarilmagani sabab bo‘lgan. Qayd etish, fransuz “Nasaf” safida birorta ham o‘yinda maydonga tushmagan.

Bu haqda batafsil bu yerda o‘qish mumkin

Zarrux Adashev UFC’dagi to‘rtinchi jangini o‘tkazadi

Foto: UFC

O‘zbekistonlik yakkakurashchiga bu safar braziliyalik Kleydson Rodriges (7-1) raqib bo‘ladi. Jang 16-yanvar kungi UFC oqshomida bo‘lib o‘tadi.

Bu Kleydson uchun UFC’dagi debyut jang hisoblanadi, 25 yoshli yakkakurashchi professional MMA’da qatorasiga 6 jangdan beri g‘alaba qozonib kelmoqda. Adashev esa UFC’dagi ketma-ket ikki mag‘lubiyatdan keyin avgust oyida Rayan Benuani mag‘lub etgandi.

Jahon

Domeniko Tedesko — “Leypsig” bosh murabbiyi

Foto: Twitter

Domeniko Tedesko “Leypsig” bosh murabbiyi etib tayinlandi. Bu haqda klub matbuot xizmati xabar berdi.

Qayd etilishicha, 36 yoshli mutaxassis bilan 2023-yilning iyuniga qadar mo‘ljallangan shartnoma tuzilgan.

Tedesko 11-dekabr kuni Germaniya chempionatining 15-turidan o‘rin olgan “Borussiya M”ga qarshi o‘yinda “Leypsig” bosh murabbiyi sifatida debyut qiladi.

“Barselona” 21 yil ichida ilk bor YChL pley-offiga chiqa olmadi

Foto: Getty Images

“Barselona” Chempionlar Ligasi guruh bosqichining 6-turida “Bavariya”ga 0:3 hisobida mag‘lub bo‘ldi.

Kataloniya klubi 7 ochko bilan uchinchi o‘rinni egalladi va turnirdan chiqib ketdi, endilikda jamoa Yevropa Ligasida o‘z yurishini davom ettiradi.

“Barselona” 21 yil ichida birinchi marta Chempionlar Ligasining pley-off bosqichiga

Barcelona's streak of 17 straight #UCL KO Round appearances ends. It was the 2nd longest in UCL history behind Real Madrid's active 25-season streak.

Barcelona's streak started in 2004-05, Messi's 1st season in the senior team, and ends in the club's 1st season since he left. https://t.co/3Jh6WJ35r5

— ESPN Stats & Info (@ESPNStatsInfo) December 8, 2021

Bungacha jamoa ketma-ket 17-marta musobaqaning pley-off bosqichida qatnashgandi. Mazkur seriya 2004/05-yilgi mavsumda, Lionel Messi asosiy jamoada o‘zining birinchi mavsumini o‘tkazgan paytda boshlangan va argentinalik klubni tark etganidan keyingi dastlabki mavsumda to‘xtadi.

2003/04-yilgi mavsumda Chempionlar Ligasi guruh bosqichida ishtirok etmagan, boisi La Ligada oltinchi o‘rin bilan kifoyalangandi.

“Barselona” YChL pley-off bosqichiga chiqa olmagani sababli 30 million yevro zarar ko‘radi

“Barselona”ning Chempionlar Ligasini tark etishi klubga moliyaviy tomondan zarba beradi.

Mundo Deportivo xabariga ko‘ra, klub budjetida jamoaning har doimgidek Chempionlar Ligasining kamida 1/4 finaliga chiqishi kutilgan.

Musobaqadan chiqib ketish budjetga 30 million yevrodan ko‘proq zarar keltiradi. “Barsa” 1/8 finalga chiqqani uchun 9,6 million, chorak finalga chiqqani uchun esa 10,6 million olishni rejalashtirayotgandi.

Shuningdek, homiylar, televideniye va o‘yin kunidan tushadigan daromadlardan ham umid qilingandi.

Endilikda Kataloniya klubi yo‘qotishlarning o‘rnini qoplash uchun Yevropa Ligasida kamida finalga chiqishi kerak bo‘ladi.

Pelega 2-3 kun ichida shifoxonadan javob beriladi

Foto: Twitter

Sobiq futbolchi Pelening qizi Keli Nasimento otasining bir necha kundan keyin kasalxonadan chiqishini ma’lum qildi.

81 yoshli braziliyalik 8-dekabr, payshanba kuni operatsiyadan keyin oldindan rejalashtirilgan davolanish uchun shifoxonaga yotqizilgan.

Eslatib o‘tamiz, Pele 6-sentabr kuni yo‘g‘on ichakdagi o‘simtani olib tashlash bo‘yicha operatsiyani boshdan o‘tkazgandi.

Chempionlar Ligasida tarixiy natija o‘rnatildi

Foto: Getty Images

Guruh bosqichida uchta jamoa 6 ta o‘yinning barchasida g‘alaba qozondi. “Bavariya”, “Ayaks” va “Liverpul” 6 uchrashuvda 18 ochko jamg‘arishga muvaffaq bo‘ldi.

Bugunga qadar Chempionlar Ligasi guruh bosqichida bittadan ortiq jamoa guruh bosqichini 6 ta g‘alaba bilan tugatmagan edi.

Avvalroq bunday natijaga “Milan” (1992/93), “PSJ” (1994/95), “Spartak” (1995/96), “Barselona” (2002/03), “Real” (2011/12, 2014/15) va “Bavariya” (2019/20) erishgan edi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi