Bugun,

  • USD 11014.01
  • RUB 191.8
  • EUR 10674.78

Samarqand viloyati hududida 2021-yilning 10 oyi yakuniga ko‘ra qayd etilgan jami jinoyatlar soni 1 830 taga (3487/5317), jinoyat qidiruv sohasidagi jinoyatlar 1291 taga (1908/3199) oshgan. Bu haqida xalq deputatlari Samarqand viloyat Kengashining 48-sessiyasida Samarqand viloyati IIB boshlig‘i polkovnik Shavkat Rahmonov ma’lum qildi, deya xabar bermoqda “Daryo” muxbiri.

Jinoyat turlaridan qotillik 9 taga (34/43), og‘ir tan jarohati yetkazish 20 taga (70/90), nomusga tegish 15 taga (35/50), bosqinchilik 5 taga (4/9), talonchilik 10 taga (10/20), o‘g‘irlik 255 taga (258/513), firibgarlik 401 taga (431/832), bezorilik 32 taga (36/68), yo‘l transport hodisalari 257 taga (568/825), o‘lim bilan bog‘liq yo‘l transport hodisalari 56 taga (179/235) ko‘paygan.

Shuningdek, mast holatdagi shaxslar 31 taga (116/147), muqaddam sudlanganlar 35 taga (266/301), voyaga yetmaganlar 19 taga (34/53), yoshlar 356 taga (655/1011), xotin-qizlar 100 taga (212/312), ishsizlar 157 taga (421/578) tomonidan sodir etilgan jinoyatlar oshgan.

Shavkat Rahmonov ma’lum qilishicha, 2021-yilning 10 oyi davomida Samarqand viloyatidagi 1114 ta mahallaning 428 tasida jinoyat sodir etilishiga yo‘l qo‘yilmagan. 254 tasida jinoyatlar soni barqaror saqlangan. 432 tasida jinoyatlar oshgan. Biroq, o‘tgan davr mobaynida viloyatdagi mahallalarning 686 tasida jinoyat sodir etilishiga yo‘l qo‘yilgan.

Aniqlangan holatlarning 254 tasi “sariq” (jinoyat barqaror va kamaygan) toifaga va 432 tasi “qizil” (jinoyat oshgan) toifalarga ajratilgan.

Samarqand viloyatida jinoyat sur’ati oshgan mahallalar:

  • Jomboy tumanida – 52,6 foizini (38 tadan 20 tasi),
  • Samarqand tumanida – 45,9 foizini (74 tadan 34 tasi),
  • Past Darg‘om tumanida – 45,8 foizini (107 tadan 49 tasi),
  • Narpay tumanida – 43,9 foizini (57 tadan 25 tasi),
  • Payariq tumanida – 43,1 foizini (65 tadan 28 tasi),
  • Oqdaryo tumanida – 42,9 foizini (35 tadan 15 tasi),
  • Kattaqo‘rg‘on shahrida – 41,7 foizini (36 tadan 15 tasi),
  • Nurobod tumanida – 41 foizini (39 tadan 16 tasi),
  • Paxtachi tumanida – 39 foizini (59 tadan 23 tasi) tashkil etgan.
Shavkat Rahmonovning ta’kidlashicha, jinoyat sur’ati oshgan mahallalarda hamkorlikdagi profilaktik ishlarni olib borish maqsadida viloyat IIB, prokuratura, Milliy gvardiya, sog‘liqni saqlash va mahalla va oilani qo‘llab-quvvatlash boshqarmalari bilan hamkorlikda jinoyat oshgan, ya’ni “qizil toifa”ga kiritilgan mahallalarga ichki ishlar va milliy gvardiya xodimlari biriktirilgan.

Izoh
Asosiy yangiliklar
Mahalliy
Audiosi tarqalgan Oqqo‘rg‘on tumani IIB sobiq xodimi ushlandi
Mahalliy
Yunusobod tumani hokimligi sobiq mansabdori fuqaroni 30 ming dollarga chuv tushirdi
Mahalliy
O‘zbekistonda kelayotgan hafta boshida qanday ob-havo kutilmoqda?