Bugun,

  • USD 10940.05
  • RUB 182.26
  • EUR 11121.65

Aleksandr Lukashenko Britaniyaning BBC teleradiokorporatsiyasiga bergan intervyusida Belarus kuchishlatar tuzilmalari migrantlarga Polsha chegarasini kesib o‘tishga yordam berganini “mutlaqo mumkin” deb atadi, deb xabar beradi Meduza.

Foto: BBC

Foto: BBC

“Biz slavyanlarmiz. Bizning yuragimiz bor. Qo‘shinlarimiz migrantlar Germaniyaga ketayotganini biladi. Ularga kimdir yordam bergan bo‘lishi mumkin. Men buni hatto tekshirib ham ko‘rmayman”, — deydi Lukashenko.

Shu bilan birga, Lukashenko Belarus hukumati migrantlarni mamlakatga taklif qilib, ularning Yevropa Ittifoqiga borishi uchun oson yo‘l va’da qilgan holda inqirozni yuzaga keltirganini rad etgan.

“Men ularga (Yevroittifoq — tahr.) migrantlarni chegarada ushlab turmoqchi emasligimni aytdim. Agarda ular kelishni davom etsa, ularni to‘xtatmayman, chunki ular mening mamlakatimga emas, sizlarnikiga intilmoqda”, — deydi Lukashenko.

“Biz ularni bu yerga taklif qilmaganmiz. To‘g‘risini aytganda, men ular Belarus orqali o‘tishini xohlamayman”, — deya qo‘shimcha qiladi Lukashenko.

Belarus prezidenti BBC’ga 19-noyabr kuni intervyu bergan. Suhbatning to‘liq versiyasi hozircha e’lon qilinmagan.

Aleksandr Lukashenko ushbu haftada Germaniya kansleri vazifasini bajaruvchi Angela Merkel bilan ikki marta telefon orqali Belarus va Yevropa Ittifoqi chegarasidagi migratsiya inqirozini, shuningdek, migrantlarga gumanitar yordam ko‘rsatish masalasini muhokama qilgan. Merkel bilan suhbatdan so‘ng Lukashenko migrantlarni chegara yaqinidagi logistika markaziga joylashtirish bo‘yicha ko‘rsatma bergan.

Ma’lumotlarga ko‘ra, hozirda Belarusda Yaqin Sharqdan kelgan 7 mingga yaqin migrant bor. Belarus ularning 2 ming nafarini Germaniyaga, 5 mingini esa vatanlariga (ular rozi bo‘lsa) qaytarib yuborish taklifini bergan. Merkel ushbu taklifni rad etgan.

Izoh
Asosiy yangiliklar
Mahalliy
Samarqandda noqonuniy mayning ferma aniqlandi
Mahalliy
“Yotoqxona ahvoli rahbarlarni qiziqtirmayapti, muammoni aytsak, bizni uydan quvib chiqarishadi”. Navoiyliklar xaroba yotoqxonada yashayotganini aytmoqda
Mahalliy
“Daryo” kundaligida 30-sentabrda sodir bo‘lgan eng muhim voqealar