Bugun,

  • USD 11095.31
  • RUB 173.84
  • EUR 10772.44

“Andijon neft bazasi” va “Jizzax neft bazasi” sobiq rahbar va mas’ul xodimlari faoliyati davomida kamomad, xodimlarga asossiz to‘lovlar hamda debitorlik qarzlarini vujudga keltirgani uchun qo‘zg‘atilgan jinoyat ishi sudga oshirilgan. Bu haqda Bosh prokuratura matbuot kotibi Hayot Shamsutdinov xabar berdi.

Foto: “O‘zbekneftgaz” matbuot xizmati

Foto: “O‘zbekneftgaz” matbuot xizmati

Eslatib o‘tamiz, 2021-yilning 25-may kuni “Andijon neft bazasi”dagi talon-toroj va yo‘l qo‘yilgan kamchiliklar ortidan 10 nafar mas’ul mansabdor lavozimidan ozod etilgani to‘g‘risida xabar berilgandi. Unda “Andijon neft bazasi”da 24,3 milliard so‘m debitor qarzdorlik yuzaga kelgani va 2021-yil 1-aprel holatiga qarzdorliklar muddati o‘tgan hisoblanishi aytilgandi.

Bundan tashqari, o‘z vaqtida undirmagani uchun “Andijon neft bazasi” bo‘yicha 2006−2017-yillarga oid 8,6 milliard so‘m debitorlik qarzdorligi “umidsiz qarz”ga aylanib ulgurgan. 2019−2021-yillarda birja savdolari orqali sotib olmasdan, noqonuniy tarzda iste’molchilarga yuklab jo‘natgan neft mahsulotlari hozirgi kundagi xarid narxlari bilan solishtirib hisoblanganda jami zarar miqdori 6,2 milliard so‘mdan ortiqni tashkil etishi aytilgandi.

Jamiyat va uning filiallari tomonidan 408 ta holatda 129,7 million so‘mlik ish haqi, moddiy yordam va mukofot pullari ortiqcha hisoblanib to‘langan, kompensatsiya to‘lovlari noo‘rin hisoblangan. Mehnat shartnomasi bekor qilingan 6 nafar sobiq xodim nomiga 29,997 million so‘m ish haqi yozilgan.

Bosh prokuratura matbuot kotibining ma’lum qilishicha, “Andijon neft bazasi” MChJ mansabdor shaxslariga nisbatan qo‘zg‘atilgan jinoyat ishi 3-noyabr kuni ayblov xulosasi bilan mazmunan ko‘rib chiqishlik uchun Andijon viloyati sudiga yuborilgan.

24-mart kuni amalda belgilangan me’yoriy hujjatlarga muntazam amal qilmaslik oqibatida “Jizzax neft bazasi” MChJda 35,4 milliard so‘m debitor qarzdorlik yuzaga kelgani to‘g‘risida xabar berilgandi. Shu bilan birga, o‘shanda jamiyat tomonidan 788 nafar xodimga 806,9 million so‘mlik kompensatsiya to‘lovlari noo‘rin hisoblangani ma’lum bo‘lgandi.

Bundan tashqari, jamoa shartnomasiga zid tarzda intizomiy jazo qo‘llangan 23 nafar xodimga 7,9 million so‘m mukofot puli to‘lab berilgan. Mehnat shartnomasi bekor qilingan 26 nafar sobiq xodimlar nomiga 33,8 million so‘m ish haqi yozilgan. Shu munosabat bilan “Jizzax neft bazasi” mansabdor shaxslariga nisbatan qo‘zg‘atilgan jinoyat ishi 27-sentabr kuni ayblov xulosasi bilan mazmunan ko‘rib chiqish uchun sudga yuborilgan.

Eslatib o‘tamiz, “O‘zbekneftgaz” AJ boshqaruvi raisi Mehriddin Abdullayev boshchiligida 2021-yilning 11-may kuni o‘tkazilgan videoselektor yig‘ilishida ish faoliyatida yo‘l qo‘ygan kamchiliklari uchun “Jizzax neft bazasi” direktori M.Akbo‘tayev va “Andijon neft bazasi” direktori I.Boltaboyev egallab turgan lavozimidan ozod etilgan edi.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi