“O‘zkimyosanoat” AJ korxonalarida tayyor mahsulotlarni sotish jarayonlarining avtomatlashtirilgan axborot tizimini joriy etishga tanlov e’lon qilindi

“O‘zkimyosanoat” aksiyadorlik jamiyati korxonalarda tayyor mahsulotlarni hisobga olish va sotishni, RFID texnologiyasi asosida markirovkalash orqali avtomatlashtirilgan axborot tizimini ishlab chiqish va joriy etishga tanlov e’lon qiladi.

1. Tanlov mavzusi

“O‘zkimyosanoat” AJ korxonalarida tayyor mahsulotlarni hisobga olish va sotishni, RFID texnologiyasi asosida markirovkalash orqali avtomatlashtirilgan axborot tizimini ishlab chiqish va joriy etish.

2. Ishlar/xizmatlar mazmuni

Axborot tizimini ishlab chiqish, joriy etish, takomillashtirish va kafolatli qo‘llab-quvvatlash. Axborot tizimi texnik shartlari talablariga javob berishi kerak.

“O‘zkimyosanoat” AJning barcha korxonalarida tayyor mahsulotlarni markirovkalash, mahsulotlarni jo‘natish va tayyor mahsulotlar harakati, omborlar, tayyor mahsulotlar savdosi, hisobot va ma’lumotlarni umumlashtirishni boshqarish uchun modullarning apparat va dasturiy qismlarini joriy etish zarur.

3. Tanlov takliflarini yuborish tartibi to‘g‘risida ma’lumot

Takliflarni qabul qilish ikki bosqichdan iborat bo‘ladi:

• 1-bosqich texnik takliflarni qabul qilish;
• 2-bosqich tijorat takliflarini qabul qilish.

Taklif tashkilotning rahbari tomonidan tasdiqlangan rasmiy blankda tashkilotning asl muhri bilan rasmiylashtirilgan bo‘lishi kerak.

Takliflarni taqdim etish joyi: 100011, Toshkent shahri, Navoiy ko‘chasi 38-uy, (soat 09.00 dan 17.00 gacha, dushanba—juma kunlari).

Telefon raqam (+99878) 140-74-77

4. Kompaniyaga qo‘yilgan talablar

• Tashkilot yuqorida ko‘rsatilgan xizmatlarni amalga oshirish uchun barcha zarur litsenziya va sertifikatlarga ega bo‘lishi kerak;
• Kamida 3 nafar mijozlaridan ijobiy tavsiyalar berishi;
• Kamida 3 yil davomida ushbu xizmatlar bozorida tajribaga ega bo‘lishi;
• Shu kabi ishlanmalar va ularning tatbiq etilganligi haqida ma’lumot berishi;
• Yuridik va buxgalteriya hujjatlarini berish va olish huquqiga ega bo‘lgan Toshkent shahridagi ofisning mavjudligi;
• Bankrotlik va sud jarayonida emasligi.

• Xizmatlarni o‘z vaqtida to‘g‘ri bajarish kafolati;
• Ish qabul qilingandan so‘ng kamida 12 oy davomida xizmat ko‘rsatish kafolati.

• Funksional imkoniyatlar;
• Sifat;
• Qiymat;
• Xizmat ko‘rsatish muddatlari;
• Xizmat ko‘rsatish kafolati.

Reklama huquqi asosida.