Bugun,

  • USD 11095.31
  • RUB 173.84
  • EUR 10772.44

O‘zbekiston IIV YHXBB va hududiy boshqarmalari xabar qilgan yo‘l-transport hodisalari tafsilotlarini taqdim etamiz.

Olmaliq shahrida Matiz haydovchisi piyodani urib yubordi.

2021-yilning 9-noyabr kuni soat 16:45 larda Toshkent viloyati, Olmaliq shahar, Amir Temur ko‘chasida joylashgan “Bog‘ishamol” kafesining ro‘parasida haydovchi, A.M. (1997-yilda tug‘ilgan) Matiz avtomobilida harakatlanib kelayotib, piyodalar o‘tish joyidan yo‘lni kesib o‘tayotgan piyoda, 1975-yilda tug‘ilgan Sh.T.ni urib yuborgan.

Oqibatda piyoda Sh.T. yengil tan jarohati olib shifoxonaga yotqizilgan.

Mazkur YTH yuzasidan Olmaliq shahar IIB YHXB xodimlari tomonidan surishtiruv harakatlari olib borilmoqda.

Denovda ikki Nexia to‘qnashdi

2021-yil 8-noyabr kuni soat 16:37 da Surxondaryo viloyati, Denov tumani, “Tasmasoy” MFY hududidan o‘tuvchi 4R-100 avtomobil yo‘lining 168-kilometrida haydovchi, 1997-yilda tug‘ilgan D.R. Nexia avtomobilida harakatlanayotib, quvib o‘tish qoidalarini buzishi oqibatida haydovchi, 1987-yilda tug‘ilgan F.B. boshqaruvidagi Nexia avtomobili bilan to‘qnashgan va boshqaruvni yo‘qotib yo‘l chetidagi temir ustunga urilgan.

Oqibatda oq rangli Nexia avtomobilida bo‘lgan yo‘lovchi G.T. tan jarohati olib shifoxonaga yotqizilgan.

Foto: YHXBB

Foto: YHXBB

Mazkur YTH yuzasidan Denov tumani IIB YHXB xodimlari tomonidan surishtiruv harakatlari olib borilmoqda.

Avtomobil raqamini sigaret qutisi bilan yashirgan haydovchiga chora ko‘rildi.

Ijtimoiy tarmoqda Nexia avtomobilining haydovchisi davlat raqam belgisini sigareta qutisi bilan ko‘rinishini cheklagani aks etgan fotolavha tarqaldi.

Foto: YHXBB

Foto: YHXBB

Fotolavha yuzasidan Sirdaryo viloyati IIB YHXB xodimlari tomonidan surishtiruv ishlari olib borilib, qoidani buzgan haydovchi aniqlandi.

Unga nisbatan Ma’muriy javobgarlik to‘g‘risidagi kodeksning 125–5-moddasi (foydalanish belgilangan tartibda man etilgan transport vositalarini, shuningdek, davlat raqam belgisi o‘zboshimchalik bilan yechib olingan transport vositalarini boshqarish) tartibida ma’muriy bayonnoma rasmiylashtirildi.

Izoh
Asosiy yangiliklar
Mahalliy
O‘zbekistonda so‘nggi sutkada 153 kishida koronavirus aniqlandi
Mahalliy
O‘zbekistonda 6-dekabr yog‘ingarchiliksiz o‘tishi kutilmoqda
Mahalliy
“IIV vakillari muammoni prokuraturaga yuklab, jamoatchilikni chalg‘itibdi” — o‘z pogonini yulib, ayolni qasddan aybdor qilmoqchi bo‘lgan IIB xodimi voqeasi yuzasid...