Bugun,

  • USD 10920.28
  • RUB 177.49
  • EUR 11052.42

Navoiy viloyatining Nurota tumanida 6-noyabr kuni yuz bergan YTHda 8 kishi halok bo‘lgani, ularning 3 nafari bank xodimi ekani aytilmoqda.

Foto: Telegram

“Kun.uz”ning yozishicha, voqea Navoiy—Nurota yo‘lida sodir bo‘lgan. Qarama-qarshi yo‘nalishda harakatlanib kelayotgan ikkita Nexia mashinasi to‘qnashgan. Mashinalarning biri yo‘l chetiga ag‘darilgan, ikkinchisi esa yonib ketgan.

Avtohalokat oqibatida “Xalq banki” Nurota tuman filialining boshqaruvchisi T.P. (29 yoshli), bosh hisobchisi M.S. (40 yoshli) hamda monitoring bo‘limi boshlig‘i Yu.R. (32 yoshli) voqea joyida vafot etgan. Yonib ketgan mashinada 5 kishi bo‘lgan va ular ham voqea joyida halok bo‘lgan.

Ushbu YTH yuzasidan Navoiy viloyati IIB YHXB hozircha rasmiy ma’lumot bermagan.

Eslatib o‘tamiz, Angrenda 24-may kuni ko‘lami va qurbonlari soni bo‘yicha O‘zbekistonda 2021-yil davomida hozirgacha yuz bergan yo‘l-transport hodisalari orasida eng yirigi yuz bergan edi. O‘sh—Toshkent A-373 yo‘lining 184-kilometrida Namangan—Toshkent yo‘nalishi bo‘ylab harakatlanayotgan MAN rusumli tirkamasi bor yuk mashinasi boshqaruvni yo‘qotishi oqibatida kamida 8 ta avtomobil o‘zaro to‘qnashgan, ulardan biri yonib ketgandi.

Dastlabki xabarlarda hodisa oqibatida 7 kishi halok bo‘lgani, yana kamida 14 kishi jarohatlangani aytilgandi. Agar qurbonlar soni keyinchalik 7 kishidan ortmagan bo‘lsa (“Daryo” buni aniqlashga harakat qilgan, ammo vakolatli organlar ma’lumot bermagandi), Navoiydagi avariya O‘zbekistonda 2021-yilda yuz bergan eng ko‘p qurbonli yo‘l-transport hodisasidir.

Izoh
Asosiy yangiliklar
Mahalliy
O‘zbekistonda ilk bor dunyo parlamentlari ayol rahbarlarining sammiti o‘tkaziladi
Mahalliy
O‘zbekistonda 6 oyda qancha aviaparvoz amalga oshirilgani ma’lum qilindi
Dunyo
Rossiya elchixonasi AQSHni Ukrainadagi mojaroga aralashgani uchun harbiy to‘qnashuv xavfidan ogohlantirdi