Bugun,

  • USD 11095.31
  • RUB 173.84
  • EUR 10772.44

“O‘zbekiston pochtasi” AJ mamlakat mustaqilligining 30 yilligini nishonlash tadbiri doirasida maxsus pochta markalar turkumini tayyorlab, Axborot texnologiyalari va kommunikatsiyalarini rivojlantirish vazirligi tomonidan 20-oktabrdan pochta muomalasiga kiritdi.

Foto: “Daryo”

Foto: “Daryo”

Ushbu pochta markalarida mustaqillik davrida qurilgan zamonaviy arxitektura bino va inshootlari, tarixiy obidalar, qishloq xo‘jaligi sanoati va mashinasozlik rivoji, transport, urf-odatlar, turizm, sport, hamda iqtisod, sog‘liqni saqlash, ta’lim sektorlari tasvirlangan.

Telegram’dagi “Ko dnu” kanalining yozishicha, pochta bloklardan birida Sergeli metro liniyasining qurilishida erishilgan yutuqlar tasvirlangan. Ammo metropolitenning ajoyib liniyasi tasvirlangan markaziy suratda Sergeli emas, Moskvadagi monorelsni ko‘rish mumkin.

“O‘zbekiston pochtasi va markalar seriyasi, ayniqsa, bu kabi voqeaga bag‘ishlangani — limondan elektr energiya olayotgan 6-sinf o‘quvchilari emas, bu mamlakat obro‘si. Buning uchun shunchaki ko‘zni ochib, bu metro emasligini tushunish kifoya. Hatto Toshkent ham emas bu”, — deyiladi izohda.

Foto: Telegram / “Ko Dnu”

Foto: Telegram / “Ko Dnu”

“Keyingi yubileyga Ilon Maskning raketasi tasvirlangan markalarni mamlakatning kosmos sohasida erishga yutuqlari imzosi bilan chiqarishni taklif qilamiz”, — deb yozgan istehzo bilan kanal muallifi. Shuningdek, kanal muallifining yozishicha, uchinchi suratda ham tushunmovchilik bor. Pochta saytida bu “Sergeli tumanida yangi yer ustki metro liniyasi” deyilgan, lekin unda “Qo‘yliq” stansiyasi (7-bekat) tasvirlangan.

Turkum 51 pochta markasidan iborat bo‘lib, 17 ta pochta bloki (3 ta marka va 1 ta kupon) ko‘rinishida tayyorlangan. Har bitta pochta blokining adadi 3000 nusxadan. Kuponda O‘zbekiston mustaqilligining 30 yilligi emblemasi joylashgan.

Eslatib o‘tamiz, 2020-yilning dekabrida Shavkat Mirziyoyevning pochta aloqasi xizmatlarini ko‘rsatish tizimini takomillashtirish to‘g‘risidagi qarori e’lon qilingani, O‘zbekistonga kelgan xalqaro jo‘natmalarni pochta orqali manziliga yetkazish tizimini joriy etish rejalashtirilayotgani to‘g‘risida xabar berilgandi.

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi