Yevropa mintaqasida JCh—2022 saralashi 8-turi doirasidagi bir qator uchrashuvlar 11-oktabr, dushanba kuni bo‘lib o‘tdi.
Germaniya Shimoliy Makedoniya maydoniga safar qildi va 4:0 hisobidagi g‘alabani tantana qildi. Timo Verner dubl qayd etgan bo‘lsa, Kay Haverts va Jamol Musiala o‘z nomiga bittadan gol yozdirib qo‘ydi.
Niderlandiya o‘z maydonida Gibraltar darvozasiga javobsiz 6 ta gol urdi. Gollarning 3 tasi birinchi bo‘limda urilgan bo‘lsa, qolgan yarmi ikkinchi 45 daqiqalikka to‘g‘ri keldi. Memfis Depay dublni rasmiylashtirdi, shuningdek, Virjil van Deyk, Denzel Dumfris, Arno Danjuma va Doniell Malen ham maydonni golsiz tark etmadi.
Turkiya safarda Latviyani 90+9-daqiqadagi penalti evaziga mag‘lubiyatga uchratdi, Rossiya esa Sloveniyadan ustun keldi.
Mazkur g‘alabadan keyin Niderlandiya 19 ochko bilan G guruhida peshqadamlik qilmoqda, 3-o‘rindagi Turkiyaning hisobida 15 ochko bor.
Germaniya esa 21 ochko bilan J guruhini boshqarmoqda. Shu tariqa nemis jamoasi Yevropa qit’asida birinchi bo‘lib, Jahon Chempionati yo‘llanmasini qo‘lga kiritdi.
JCh—2022 saralashi
8-tur bahslari
11-oktabr, dushanba
Shimoliy Makedoniya – Germaniya 0:4
Gollar: 0:1 – 50 Haverts, 0:2 – 70 Verner, 0:3 – 73 Verner, 0:4 – 83 Musiala.Shimoliy Makedoniya – Dimitriyevski, Musliu, Ristovski (Ashkovski, 77), Velkoski, Alioski, Kostadinov (Ristevski, 77), Nikolov (Rakip, 58), Churlinov, Ademi (Spirovski, 29), Elmaz, Yaxovich (Miovski, 58).
Germaniya – Noyer, Zyule, Kerer, Klostermann, Raum, Kimmix, Haverts (Adeyemi, 61), Goretska (Virts, 61), Myuller (Noyhaus, 80), Verner (Musiala, 74), Gnabri (Hofmann, 74).
Ogohlantirishlar: Haverts (54), Ristovski (70).
Niderlandiya – Gibraltar 6:0
Gollar: 1:0 – 9 van Deyk, 2:0 – 21 Depay, 3:0 – 45, penalti Depay, 4:0 – 48 Dumfris, 5:0 – 75 Danjuma, 6:0 – 86 Malen.Niderlandiya – Beylo, van Deyk, Blind, de Vrey, Dumfris, Klassen, de Yong (Vegorst, 60), Bergeys (Danjuma, 60), Veynaldum, Lang (Malen, 78), Depay.
Gibraltar – Banda, Bosio (Ronan, 46), Chipolina (Britto, 46), Olivero, Valarino, Ennesli, Uoker (Hassan, 80), Uayzmen, Torilla (Mueli, 88), Chipolina, Staych (Kassiaro, 62).
Ogohlantirish: Torilla (18).
Izoh (0)