Bugun,

  • USD 11095.31
  • RUB 173.84
  • EUR 10772.44

O‘zbekiston Kinematografiya agentligi tomonidan 28-sentabrdan 3-oktabrgacha “Ipak yo‘li durdonasi” XIII Toshkent xalqaro kinofestivali o‘tkaziladi. Kinofestivalning tantanali ochilish marosimi Toshkent shahridagi Alisher Navoiy nomidagi kinosaroyida bo‘lib o‘tadi. XIII Toshkent Xalqaro kinofestivali kutilmagan sovg‘alar tayyorlamoqda, deya xabar bermoqda “Uz.news”.

Festivalga Turkiyaning mashhur  xonandasi Serdar O‘rtach taklif etildi. Shu o‘rinda qo‘shiqchi ham o‘zbekistonliklarga tez orada uchrashamiz, degan mazmunda videomurojaat yo‘llagan.

Foto: Getty Images

Foto: Getty Images

Shuningdek, ko‘plab mehmonlar orasida  mashhur turk aktrisasi Melisa Asla Pamuk ham bor. Turkiyalik aktrisa Melisa Asla Pamuk xalqimizga “Kara Sevda” (“Sevgi iztirobi”) serialidagi Asu obrazi bilan tanish.

Foto: Getty Images

Foto: Getty Images

Eslatib o‘tamiz, Shavkat Mirziyoyev Toshkent xalqaro kinofestivalini qayta tiklash hamda 2021-yildan boshlab, har yili sentabr—oktabr oylarida “Ipak yo‘li durdonasi” nomi bilan Toshkent shahrida o‘tkazish bo‘yicha qarorni imzolagan edi.

Hujjatga ko‘ra:

  • 2021-yilning 28-sentabr — 3-oktabr kunlari kinofestival XIII Toshkent xalqaro kinofestival sifatida nufuzli kinofestivallarning g‘olib va nominantlari ishtirokida “Tinchlik, taraqqiyot va ma’rifat” shiori ostida tashkil etiladi;
  • kinofestival shioriga mos bo‘lgan va jahon kinematografiyasi rivojiga katta hissa qo‘shgan filmlar ijodkorlari diplom, ramziy haykalcha va 20 ming AQSh dollaridan iborat bo‘lgan 5 ta pul mukofoti bilan taqdirlanadi;
  • Osiyo va Ipak yo‘li bo‘ylab joylashgan mamlakatlar yosh kinoijodkorlarining qisqa metrajli filmlari festivali o‘tkazilib, g‘oliblar diplom va jami 32 ming dollar miqdoridagi pul mukofoti bilan taqdirlanadi.
Ma’lumot uchun, Toshkent xalqaro kinofestivali 1968—1997-yillarda o‘tkazilgan va “Osiyo, Afrika va Lotin Amerikasi mamlakatlari kinofestivali” nomi bilan atalgan.

Izoh
Asosiy yangiliklar
Dunyo
Hindlar tomonidan vayron qilingan Bobur masjidi, Monrealdagi politexnika institutidagi qizlarning o‘ldirilishi va Moskvada portlovchi moddalar ortilgan vagon halok...
Dunyo
Rossiya Ukrainaga 70 ta raketa bilan zarbalar berdi, to‘rt kishi halok bo‘ldi
Mahalliy
Farg‘onada profilaktika inspektori o‘zini otib qo‘ydi