Tokio shahrida Paralimpiya o‘yinlari davom etmoqda. 28-avgust kuni paradzyudo bo‘yicha musobaqalar o‘tkazilmoqda.

Foto: MOQ

-81 kg vaznda O‘zbekiston vakili Dovurxon Karomatov final bellashuvida ozarbayjonlik Huseyn Rahimliga qarshi kurash olib bordi va qo‘shimcha vaqtda imkoniyatni boy berib qo‘ydi. Shu tariqa Karomatov Paralimpiya o‘yinlarini kumush medal bilan yakunladi.

Qayd etish joiz, bungacha O‘zbekiston delegatsiyasi 10 ta (4 ta oltin, 3 ta kumush, 3 ta bronza) medal qo‘lga kiritgandi.