O‘zbekistonda 13-avgust kuni 966 kishida koronavirus infeksiyasi qayd etilib, mamlakatda pandemiya boshidan beri koronavirusga chalingani rasman tasdiqlanganlar soni 142 124 nafarga yetdi. Bu haqda Sog‘liqni saqlash vazirligi matbuot xizmati xabar berdi.
Yangi kasallanish holatlarining
- 88 nafari Qoraqalpog‘iston Respublikasida,
- 37 nafari Andijon viloyatida,
- 25 nafari Buxoro viloyatida,
- 68 nafari Jizzax viloyatida,
- 22 nafari Qashqadaryo viloyatida,
- 21 nafari Navoiy viloyatida,
- 40 nafari Namangan viloyatida,
- 96 nafari Samarqand viloyatida,
- 27 nafari Sirdaryo viloyatida,
- 98 nafari Surxondaryo viloyatida,
- 91 nafari Farg‘ona viloyatida,
- 43 nafari Xorazm viloyatida,
- 101 nafari Toshkent viloyatida,
- 209 nafari Toshkent shahrida
Shuningdek, 13-avgust kuni jami 921 nafar: Qoraqalpog‘iston Respublikasida 83 nafar, Andijon viloyatida 40 nafar, Buxoro viloyatida 18 nafar, Jizzax viloyatida 63 nafar, Qashqadaryo viloyatida 29 nafar, Navoiy viloyatida 28 nafar, Namangan viloyatida 30 nafar, Samarqand viloyatida 177 nafar, Sirdaryo viloyati 42 nafar, Surxondaryo viloyatida 91 nafar, Farg‘ona viloyatida 86 nafar, Xorazm viloyati 24 nafar, Toshkent viloyatida 87 nafar, Toshkent shahrida 123 nafar bemor tuzalib, kasallikdan sog‘ayganlar jami 135 228 nafarga yetdi.
Shuningdek, 6 nafar koronavirusga chalingan bemor vafot etib, kasallikdan vafot etganlar soni 970 nafarni tashkil qilmoqda.
Bundan tashqari, 13-avgustda 529 kishida pnevmoniya aniqlanib, jami bemorlar soni 17 414 nafarga yetgan. So‘nggi sutkada ularning 521 nafari sog‘ayib, umumiy sog‘ayganlar soni 10 023 nafarni tashkil qilmoqda. Uch nafar bemor vafot etib, shu kungacha pnevmoniyadan vafot etganlar soni 117 nafarga yetdi.
Ta’kidlash kerakki, so‘nggi to‘rt kundan buyon mamlakatda koronavirus bilan kunlik kasallanish ko‘rsatkichi 900 kishidan ortmoqda. Xususan, 10-avgust kuni 903 kishida, 11-avgust kuni 925 kishida, 12-avgust kuni esa 948 kishida COVID-19 tasdiqlangan.
Izoh (0)