Bulung‘urda noqonuniy faoliyat yuritayotgan spirtli ichimlik sexi borligi ma’lum bo‘ldi

Samarqand viloyatida huquq tartibot idoralari hamkorligida jinoyatchilikka qarshi kurashish tadbiri bo‘lib o‘tdi. Tadbirda “Guliston” MFYda yashovchi fuqaroning yashash xonadonida noqonuniy faoliyat yuritayotgan aroq sexi borligi ma’lum bo‘ldi, deya xabar berdi “Daryo” muxbiri.

Qayd etilishicha, tadbir davomida xonadonda 330 litr spirt, 163 dona aroq, “Stolichniye” va “Serebrof” nomli etiketkalar, 362 ta aroq qopqog‘i, 60 o‘ram shisha og‘zini yopish uchun mo‘ljallangan sellofan borligi aniqlanib, xolislar ishtirokida hujjatlashtirib olingan.

Аniqlangan holat bo‘yicha IIB tomonidan tergovga qadar tekshiruv tadbirlari olib borilmoqda.