Belarusda 2020-yilgi prezidentlik saylovlarida ishtirok etgan yana bir sobiq nomzod hibsga olindi
Belarusda huquqni muhofaza qilish organlari 12-avgust kuni 2020-yildagi prezidentlik saylovlarida ishtirok etgan yana bir sobiq nomzod “Haqiqatni gapir” jamoat birlashmasining rais o‘rinbosari Andrey Dmitriyevni hibsga oldi. Bu haqida “Korrespondent.net” xabar qilgan.
“Bugun tongda 2020-yilda bo‘lib o‘tgan prezidentlik saylovlarida nomzod sifatida ishtirok etgan Andrey Dmitriyev hibsga olindi”, – deyiladi xabarda.
Huquq himoyachilari Dmitriyevning “Haqiqatni gapir” jamoat harakatining rahbariga o‘rinbosar ekani, shuningdek, “Bizning partiya” tashkiliy qo‘mitasi a’zosi va “Yuksalish” birlashmasining delegati bo‘lganini aniqlagan.
Ayni vaqtda sobiq nomzodning nima uchun hibsga olingani va qayerda saqlanayotgani yuzasidan rasmiy ma’lumotlar berilmagan.
Mavzuga doir: Belarusda saylovlardan keyingi norozilik namoyishlari boshlanganiga bir yil to‘ldi. Lukashenko raqiblariga nima bo‘ldi?
Mavzuga doir: Qiynoqlar, G‘arbning bosimi va Uchinchi jahon urushi xavfi — Lukashenko “Katta suhbatda” nimalar haqida gapirdi?
