Bugun,

  • USD 11095.31
  • RUB 173.84
  • EUR 10772.44

O‘zbekiston Prezidentining “Nukus shahrida ayollar va bolalar shifoxonasini tashkil etish” loyihasini amalga oshirishga doir chora-tadbirlar to‘g‘risida”gi qarori qabul qilindi, deb xabar beradi Norma.

Qaror bilan O‘zbekiston hukumati bilan Birlashgan Arab Amirliklari hukumati o‘rtasida Xalifa bin Zoid Ol Nahayon jamg‘armasining grant mablag‘larini mamlakatga jalb etishda hamkorlik to‘g‘risidagi bitim tasdiqlangan. Ushbu bitim 2021-yil 26-may kuni Toshkent va Abu-Dabi shaharlarida imzolangan.

Investitsiyalar va tashqi savdo vazirligi bitimni amalga oshirish yuzasidan vakolatli organ etib belgilangan.

Ta’kidlanishicha, loyiha doirasida qurilish ishlari yakunlangach, shifoxona o‘rnatilgan tartibda jamg‘arma tomonidan beg‘araz ravishda O‘zbekiston Sog‘liqni saqlash vazirligi tasarrufiga beriladi.

Bitimdagi kelishuvlar ijrosini ta’minlash maqsadida, istisno tariqasida, loyihani amalga oshirishda:

  • bosh loyiha va bosh pudrat tashkilotlari foyda solig‘i va ijtimoiy soliqdan, ularning xodimlari JShDSdan ozod qilinadi;
  • bosh loyiha va bosh pudrat tashkilotlari tomonidan jamg‘arma uchun amalga oshiriladigan ishlar (xizmatlar, tovarlar)ga nisbatan “nol” darajali stavkada QQS qo‘llanilishi ta’minlanadi. Bunda QQS bo‘yicha salbiy farqni qaytarish qonunchilikda belgilangan tezlashtirilgan tartibga muvofiq amalga oshiriladi;
  • import qilingan tovarlar va moddiy boyliklarni majburiy sertifikatlash tartibotlaridan o‘tishdan, bojxona boji, aksiz solig‘i va QQSdan ozod qilinadi. Bojxona rasmiylashtiruvi yig‘imlari bundan mustasno.
Ushbu soliq va bojxona imtiyozlari bitim belgilangan tartibda kuchga kirganidan so‘ng qo‘llaniladi.Eslatib o‘tamiz, 2021-yilning iyunida Shavkat Mirziyoyev BAA hukumat ishlari bo‘yicha vaziri boshchiligidagi delegatsiyani qabul qilgandi. Uchrashuvda muqobil energetikani rivojlantirish va energetika obyektlarini modernizatsiya qilish, zamonaviy agrosanoat klasterlarini tashkil etish, tadbirkorlikka oid tashabbuslarni qo‘llab-quvvatlash uchun investitsiya kompaniyasi faoliyatini yo‘lga qo‘yish bo‘yicha loyihalar hamda qator muhim ijtimoiy dasturlar izchil amalga oshirilayotgani alohida qayd etildi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi