Bugun,

  • USD 11095.31
  • RUB 173.84
  • EUR 10772.44

Andijon viloyati Qo‘rg‘ontepa tumani prokurori Sardor Rajabboyev tuman Obodonlashtirish boshqarmasi xodimlarini Andijon viloyatidagi shaxsiy hovlisida ishlashga majburlaganlikda gumon qilinmoqda. Bu haqda Muxbir Daliyev Telegram kanalida ma’lum qilindi, deya xabar bermoqda “Gazeta.uz”.

Foto: Telegram / Muxbir Daliyev

Foto: Telegram / Muxbir Daliyev

Ma’lum qilinishicha, ishchilar 2021-yilning bahoridan kuzigacha ishga jalb qilingan. “Katta ehtimol bilan, obodonlashtirish ishchilarining ish haqi davlat tomonidan to‘langan”, — deyiladi xabarda.

Keyingi postda kanal muallifi Andijon viloyati prokuraturasining viloyat prokurorining o‘rinbosari B.Ismoilov imzolagan, holatni tekshirish natijalari haqidagi xatini ilova qildi.

Foto: Telegram / Muxbir Daliyev

Foto: Telegram / Muxbir Daliyev

Gap beshta ishchi haqida ketmoqda, ulardan ikkitasi, tushuntirish xatiga ko‘ra, Sardor Rajabboyevning uyida bo‘lmagan. Qolgan xodimlar “tuman prokuraturasi hovlisida o‘z xohishi bilan ishlagan, hech kim ularni majburlamagan”, deyiladi hujjatda.

Bosh prokuratura matbuot xizmatining xabar berishicha, ushbu holat bo‘yicha prokuror Sardor Rajabboyevga nisbatan tekshiruv tayinlangan.

Bundan avval Qashqadaryoda xodimlarini majburiy mehnatga jalb qilgan tibbiyot birlashmasi boshlig‘i 12 million so‘m jarimaga tortilgani, O‘zbekiston odam savdosi va majburiy mehnatga qarshi kurashish reytingida ko‘tarilgani hamda O‘rta Chirchiqda tibbiyot xodimlarini majburiy mehnatga jalb etgan poliklinika rahbari jarimaga tortilgani haqida xabar berilgandi.

Izoh
Asosiy yangiliklar
Dunyo
“Daryo” kundaligida 9-dekabrda sodir bo‘lgan eng muhim voqealar
Dunyo
Qozog‘iston Rossiyaga zirhli texnika jo‘natishi haqida xabarlar tarqaldi (video)
Madaniyat
Shahzoda Garri va Megan Markl yangi hujjatli filmda Yelizavetta II ni masxaralab, qirollik oilasi a’zolarini irqchilikda aybladi (video)