Sony Electronics kompaniyasi noodatiy kamerani taqdim etdi. Sony Alpha ZV-E10 modeli videoblogerlar uchun mo‘ljallangan va almashuvchi optika orqali ishlay oladi, deb xabar beradi IXBT.

Foto: IXBT

Sony ZV-E10 yorug‘lik sezuvchanligi ISO 100—32 200 (ISO 50 dan ISO 51 200 gacha kengaytirilgan diapazonda sozlashni amalga oshirish mumkin) bo‘lgan 24,2 megapikselli APS-C formatidagi CMOS matritsasi, fokuslovchi 425 nuqta, shuningdek, 3 dyuymli suyuq kristal ekran bilan jihozlangan.

Foto: IXBT

Apparat 60 dan ortiq Sony E bayonetli obyektivlarni qo‘llab-quvvatlaydi. Uchta membranali ichki kamerasi obyektdan kameraga kelayotgan ovozni optimallashitishga qaratilgan. Shuningdek, kamera yordamida soniyasiga 30 kadr tezlikda 4K, shuningdek, soniyasiga 120 kadr tezligida Full HD sifatidagi videoni tasvirga olish mumkin.

Ishlab chiqaruvchi yon tomonidan chiroyli tabiiy effektni, shuningdek, chaplangan va tiniq fon orasidagi o‘tishlarning silliqligini va’da qilmoqda.

Foto: IXBT

Bundan tashqari, Sony “mahsulotlar obzorini ideal suratga olish”ni ham va’da qilgan — mahsulotning namoyishi rejimida kamera avtomatik ravishda fokusni foydalanuvchidan mahsulotga o‘tkazadi, buning uchun suratga olish obyektini qo‘l bilan berkitish shart emas.

Sony ZV-E10’ni kompyuter yoki smartfonga USB Type-C orqali ulash va YouTube hamda boshqa tarmoqlarda to‘g‘ridan to‘g‘ri translyatsiyalarni amalga oshirish mumkin.

Foto: IXBT

ZV-E10’ning akkumulyator quvvati uzluksiz ishlashda 125 daqiqaga yoki 440 ta suratga olishga yetadi. Kamera USB Type-C orqali tashqi quvvatlanish funksiyasiga ega. O‘lchamlari 115,2 x 64,2 x 44,8 millimetr, og‘irligi 343 gramm (akkumulyator va xotira kartasi bilan birga).

Foto: IXBT

Sony Alpha ZV-E10 ikki xil versiyada taqdim etiladi — bitta kamera yoki jamlanmasida zum obyektiv (16—55 millimetr) bor holatda — narxlari mos ravishda 700 va 800 dollar.