Sony Electronics компанияси ноодатий камерани тақдим этди. Sony Alpha ZV-E10 модели видеоблогерлар учун мўлжалланган ва алмашувчи оптика орқали ишлай олади, деб хабар беради IXBT.
Sony ZV-E10 ёруғлик сезувчанлиги ISO 100—32 200 (ISO 50 дан ISO 51 200 гача кенгайтирилган диапазонда созлашни амалга ошириш мумкин) бўлган 24,2 мегапикселли APS-C форматидаги CMOS матрицаси, фокусловчи 425 нуқта, шунингдек, 3 дюймли суюқ кристал экран билан жиҳозланган.
Аппарат 60 дан ортиқ Sony E баёнетли объективларни қўллаб-қувватлайди. Учта мембранали ички камераси объектдан камерага келаётган овозни оптималлашитишга қаратилган. Шунингдек, камера ёрдамида сониясига 30 кадр тезликда 4К, шунингдек, сониясига 120 кадр тезлигида Full HD сифатидаги видеони тасвирга олиш мумкин.
Ишлаб чиқарувчи ён томонидан чиройли табиий эффектни, шунингдек, чапланган ва тиниқ фон орасидаги ўтишларнинг силлиқлигини ваъда қилмоқда.
Бундан ташқари, Sony «маҳсулотлар обзорини идеал суратга олиш»ни ҳам ваъда қилган — маҳсулотнинг намойиши режимида камера автоматик равишда фокусни фойдаланувчидан маҳсулотга ўтказади, бунинг учун суратга олиш объектини қўл билан беркитиш шарт эмас.
Sony ZV-E10’ни компьютер ёки смартфонга USB Type-C орқали улаш ва YouTube ҳамда бошқа тармоқларда тўғридан-тўғри трансляцияларни амалга ошириш мумкин.
ZV-E10’нинг аккумулятор қуввати узлуксиз ишлашда 125 дақиқага ёки 440 та суратга олишга етади. Камера USB Type-C орқали ташқи қувватланиш функциясига эга. Ўлчамлари 115,2 х 64,2 х 44,8 миллиметр, оғирлиги 343 грамм (аккумулятор ва хотира картаси билан бирга).
Sony Alpha ZV-E10 икки хил версияда тақдим этилади — битта камера ёки жамланмасида зум объектив (16—55 миллиметр) бор ҳолатда — нархлари мос равишда 700 ва 800 доллар.
Изоҳ (0)