Bundan 25—30 yil avval o‘zbekistonliklar uchun xonadondagi devorlarni buzib olib tashlash orqali hududni bir butun kenglikka birlashtirishni tasavvur qilish juda mushkul edi. Bugungi kunda esa erkin tarhlarga ega, zamonaviy va yetakchi qurilish kompaniyalari avvaldanoq yangi xonadon sohiblarini uyni qayta rejalashtirish tashvishidan xalos qiladi.
Lyudvig Mis van der Roe ismli me’morga dunyo Smart xonadonlar uchun qarzdor. Chunki aynan u shunday xonadonda ichki qismida turli o‘lcham va shakldagi xonalar mavjud bo‘lishi mumkin bo‘lgan maydonni yaratgan. Masalan, yuvinish xonasi aniq belgilangan joyga joylashtirilgan, qolgan hudud esa harakatlanuvchi devorlar yordamida maxsus hududlarga ajratilgan. Ushbu turdagi uy-joylar o‘tgan asrning yigirmanchi yillarida o‘ziga xos ajoyib kashfiyot bo‘lgan va bu hozirgi kungacha noodatiyligicha qolmoqda.
Mahalliy uy-joy bozorida innovator hisoblangan Golden House kompaniyasi ham Dinastiya turar joy majmuasidan ana shunday Smart salon ko‘rinishidagi xondonlar sotuvini taklif etadi. Mazkur majmua biznes toifasiga mansub zamonaviy va muhtasham uylar talablariga to‘liq javob beradi: avtomashinasiz va ko‘kalamzorlashtirilgan keng hovli, mualliflik dizayni, innovatsion texnologiyalar va yuqori sifatli qurilish materiallari. Bu yerda siz 31 dan 66 metr kvadratgacha bo‘lgan, turli xil hajmdagi ikki xonali, Yevropa uslubidagi (yevrodvushka) Smart xonadonlarni xarid qilishingiz mumkin.
Erkin tarhlar tarafdorlari hamda bunga qarshilar
Biz studiya xonadon shaklidagi uylarni: faqat hammomi alohida bo‘lgan, oshxona, mehmonxona va yotoqxonani o‘zida jamlagan yagona katta hududli xonadonlarni filmlarda ko‘p kuzatganmiz. “Yevrodvushka” — bu mehmonxonasi alohida, yotoqxonasi oshxona bilan birlashtirilgan xonadon. Hujjatlarda ular bir xonali (yashash xonalari soniga qarab belgilanadi) deb tasniflangan, ammo aslida ikkita xona mavjud. Tarhlar odatdagi Smart xonadonga o‘xshash bo‘lsada, xonadon sohiblari uchun kattaroq shaxsiy hududga joy qoldiradi. Ehtimol, ko‘rinishdagi xonadonlarning yagona kamchiligi ham shundadir — yolg‘iz yashamagan holda uyda yolg‘iz qolishning deyarli imkoni yo‘q, ya’ni uy xo‘jaligi hayot ritmiga mos va kelishgan holda qurilishi lozim.
Smart shaklidagi uy-joylar kengligi bo‘yicha ustun turadi, hatto kengligi bo‘yicha bir xil bo‘lgan bir nechta xonalardan ko‘ra ancha kattaroq ko‘rinadi. Bu tarzda xonadonni yiriklashtirib ko‘rsatish taassurotini uydagi yorqin interyer, yorug‘likning to‘g‘ri tanlangani va keng derazalar ta’minlaydi. Smart ko‘rinishidagi xonadonlar narx jihatidan ham ancha mustaqildir. Shunisi e’tiborga molikki, agar eski uy-joy fondidagi xonadonni Smart xonadonga aylantirish uchun qayta rejalashtirganda, aravachalar va velosipedlar kabi maxsus joy haqida qayg‘urishingizga to‘g‘ri kelsa, zamonaviy majmuadan yangi xonadon xarid qilib olishda bu muammolar barchasi developer tomonidan hal qilib bo‘lingan bo‘ladi.
Mualliflik-me’morchilik loyihasi asosida amalga oshirilgan Dinastiya majmuasining kirish qismida aravachalar uchun qulay hududlar mavjud. Smart xonadon ko‘rinishidagi uy-joylar katta oila talab va ehtiyojlarini qondirmasa ham, uyida ofis bo‘lishini xohlovchi yoki ijara biznesini uydan turib rivojlantirish istagida bo‘lganlar uchun ajoyib imkoniyat va omadli xariddir. Shuningdek, unchalik katta bo‘lmagan shinam xonadon katta hayot ostonasidagi yoshlar va yangi oila qurganlar uchun ham birdek ajoyib sovg‘a bo‘la oladi.
Smart shaklidagi xonadonlarning yaqqol namoyon bo‘lgan afzalligi — ularning tobora ommalashib borayotganligida va, albatta, o‘z navbatida, shunga mos ravishda narxlar ham ko‘tarilgan. Bir tomondan, uy-joy qimmatlashib bormoqda, boshqa tomondan esa xuddi kichik mashina singari Smart ko‘rinishdagi xonadonlar ta’mirlash uchun sarflanadigan qurilish materiallari hajmi va kommunal xizmatlar narxi jihatidan ancha tejamkordir. Agar kam yoqilg‘i sarflovchi avtomashinalar shahar uchun ideal mashinalar hisoblansa, u holda ergonomik va funksional sanalgan kichik metr kvadratli uylar ham shahar uchun ideal darajadagi turar joy sanaladi.
Smart xonadonlarda kimlar va qanday yashaydi?
E’tirof etilgan afzallik va kamchiliklar, albatta, nisbiy — kimdir uchun ideal, boshqalar uchun mos emas. Shu bois uchun biz ana shunday Smart xonadonlarda bevosita yashagan kishilar bilan suhbatlashdik.
Dilshod, rejissor, 35 yosh
“Men 3 yildan ortiq vaqtdan buyon Smart xonadonimni ijaraga olganman va undan ham tasvirga olish maydonchasi, ham montaj xonasi, shuningdek, jamoamiz bilan birgalikda, turli bazmlarni o‘tkazish uchun joy sifatida foydalanganman. Faoliyatim avvalida ishlashimga to‘g‘ri kelgan va bu men hamda oilam uchun birmuncha noqulayliklar tug‘dirgan. Shovqin, noaniq ish jadvali, uy yumushlariga doimiy ravishda chalg‘ishim mana shunday ofisni ijaraga olishimga turtki bo‘ldi. Uzoq vaqt davomida men yashash uchun mo‘ljallanmagan fonddan xona izladim, biroq mebel jihozlari, split tizim va boshqalarga qo‘shimcha sarmoya sarflaganim uchun barchasi menga juda qimmatga tushdi. Tanishlarimdan biri, ko‘p yillar davomida Yevropada ham uy, ham ustaxona vazifasini bajargan kvartirada yashaganini, shunga o‘xshash uyni Toshkentdan ham qidirishni maslahat berdi.
Bu borada ko‘chmas mulk bozorida takliflar ko‘p deb aytolmayman, ammo oxir-oqibat ushbu yechim maqbul bo‘ldi. Endilikda esa men mazkur Smart xonadonni xarid qilishni o‘ylayapman. Chunki odatdagi o‘zgarishlar kiritilgan to‘qqiz qavatli bino biroz qorong‘i va men ta’mirlash ishlarini yoqtirmayman. Skandinaviya uslubiga xos soddaroq bo‘lishini xohlayman. Bundan tashqari, yillar mobaynida ijara uchun ketgan mablag‘ shaxsiy mol-mulkni xarid qilishga sarflangan mablag‘ning bir qismini qoplashga yaragan bo‘lardi”.
Yekaterina, qo‘llab-quvvatlash xizmati xodimi, 29 yosh
“Farzandim tug‘ilishidan oldin Smart xonadon men va turmush o‘rtog‘im uchun juda qulay: zamonaviy, ixcham, ikkalamiz uchun oilaviy hayot muhitini yaratdi. Ammo yangi va jajji mehmon tashrifi shuni ko‘rsatdiki, bunday xonadon ko‘pchilik bo‘lib yashash uchun mo‘ljallanmagan, ayniqsa, oila a’zolari turli yoshda bo‘lsa. Masalan, bola uxlashi kerak, biz esa kechki ovqatni tanovul qilishimiz lozim yoki kichkintoyingiz atrofidagi narsalarga qiziqib, ularni taqillatib o‘ynashni istaydi, biz esa uxlamoqchimiz. Shunday qilib, asta-sekin chaqaloq va ota-onalar uchun yashash sharoitlarini yaratishda vujudga kelgan qiyinchiliklarning butun ro‘yxati jamlandi. Bir necha marta turmush o‘rtog‘im ishga doir videokonferensiyalarni hatto hojatxonada o‘tkazishiga to‘g‘ri keldi, chunki bu vaqt chaqaloqning uyqu vaqtiga to‘g‘ri kelgan edi.
Natijada biz Smart xonadonimizni ijaraga berdik va ikki xonali Yevropa uslubidagi (“yevrodvushka”) xonadonga ko‘chib o‘tdik. Qizig‘i shundaki, xona sonidagi birgina farq ham uydagi muhitni butunlay o‘zgartirib yubordi”.
Sarvar, talaba, 23 yoshda
“Menimcha, katta shahardan katta uy xarid qilish mantiqsiz. Faqat bir martagina betob bo‘lib qolganimda bir hafta uydan tashqariga chiqmadim. Mening hayot ritmim — kun davomida o‘qish va ishlash, kechqurun esa do‘stlarim yoki oilam bilan ko‘rishish. Men hatto uyda oyiga, atigi ikki marta ovqatlanaman. Dam olish kunlari ko‘pincha tog‘ yonbag‘irlariga, dala hovliga borishga yoki yurtimiz bo‘ylab safarga borishga harakat qilaman. Shuning uchun Smart xonadon men uchun ajoyib imkoniyat”.
Shuhrat, tadbirkor, 44 yoshda
“Smart xonadon bizning dastlabki va hozirgacha ham sevimli xonadonimiz bo‘lgan. Oilali bo‘lgach, an’analarga qaramay, biz ota-onamizdan alohida yashashimiz kerak, degan qarorga keldik. Moliyaviy ahvolimiz bizga faqat bir xonali xonadon xarid qilib olish imkonini berar edi, biz uni o‘z kuchimiz bilan studiyaga aylantirdik. Uyni jihozlash ishlarida eng muhimi, havo almashtiruvchi va shovqin o‘tkazmaydigan ishlarga mablag‘ni tejamaslikdir. Bu uyingizni boshqalaridan ajratib turuvchi muhim jihat.
Yashash hududi va ovqat pishirish joyi akustika va hid tufayli bir-biriga xalaqit berishi mumkin. Xonadon poytaxtning markaziy ko‘chalaridan birida joylashganligi uchun ham unga har doim talab katta, ammo biz ko‘chmas mulkni sotishga shoshilmaymiz. Hozirgi vaqtda biz uni shu atrofdagi elchixonaga ijaraga berganmiz, kelgusida esa katta o‘g‘limizga sovg‘a qilishni rejalashtirganmiz”.
Golden House kompaniyasining Dinastiya turar joy majmuasi tomonidan taklif etilayotgan Smart xonadonlar va “yevrodvushka”lar ijodkor kishilar, talabalar uchun, shuningdek, yosh oilalar va yoshi keksalar uchun ham juda mos keladi. Zamonaviy uslubdagi bunday uylarda yashash istagida bo‘lgan xorijliklar, poytaxt mehmonlari orasida ham mashhur, undan tashqari, foydali sarmoya ekanligi bilan juda muhimdir.
Shuningdek, bunday xonadonlar farzandlaringiz, nabiralaringiz yoki do‘stlaringiz uchun har qanday vaqtda ajoyib turar joy bo‘lishi mumkin bo‘lgan, uzoq muddatli sarmoya hamdir. Barcha xonadonlar o‘ziga xos xususiyatga ega, biz aytib o‘tgan o‘sha afzallik yoki kamchilikni kompaniyaning savdo ofisiga hamda shourumiga tashrif buyurgan holda o‘zingiz uchun tekshirib ko‘rishingiz mumkin.
Qo‘shimcha ma’lumot uchun Golden House savdo ofislariga murojaat qiling. Saytda so‘rov va buyurtma arizalarini qoldirishingiz va ochiq maydonga ega zamonaviy tarhlarni tanlashingiz mumkin.
Telefon: +99878 150 11 11
Sayt: gh.uz
Instagram: goldenhouseuz
Facebook: fb.com/goldenhouseuz
Telegram: t.me/goldenhouseuz
Reklama huquqi asosida.
Izoh (0)