Ispaniyadan olib kelinayotgan “Afrosiyob” tezyurar poyezdi vagon va lokomotivlari Sankt-Peterburg shahridan O‘zbekistonga yo‘l oldi, deya xabar bermoqda “O‘ztemiryo‘lyo‘lovchi” matbuot xizmati.
Ma’lum qilinishicha, 2021-yilning 30-iyun kuni Ispaniyaning Bilbao portidan 2 ta lokomotiv va 11 ta vagon, shuningdek, alohida yana 4 ta vagon ortilgan kema iyul oyining birinchi o‘n kunligida Rossiyaning Sankt-Peterburg portiga yetib keldi.
“O‘zbekiston temir yo‘llari” AJ mutaxassislari rossiyalik hamkasblari bilan hamkorlikda mazkur poyezdni O‘zbekistonga olib kelishga hozirladi. 2021-yil 20-iyul kuni Afrosiyob poyezdi Sankt-Peterburg shahridan O‘zbekistonga qarab yo‘lga chiqdi.
Ma’lumot uchun, yangi “Afrosiyob”larning dastlabkisi 2017-yilning mart oyida O‘zbekistonga yetib kelgan edi. Bungacha 2011-yili dastlabki bitta Talgo poyezdlari O‘zbekistonga olib kelingandi. Shu yilning o‘zida Shavkat Mirziyoyev Buxoroda yangi “Afrosiyob” poyezdi imkoniyatlari bilan tanishgan.
Izoh (0)