Surxondaryo viloyati Jarqo‘rg‘on tumanida Lacetti va Nexia avtomobillari to‘qnashuvi oqibatida bir kishi vafot etdi, deya xabar bermoqda viloyat YHXB.
Qayd etilishicha, Jarqo‘rg‘on tumanidan o‘tgan 4R–101 avtomobil yo‘lining 4-kilometrida Lacetti rusumli avtomashinasi yo‘ldagi chuqurlardan qochish maqsadida yo‘lning qarama-qarshi tomoniga o‘tib ketgan va qarshisidan kelayotgan Nexia bilan to‘qnashgan.
Oqibatda Nexia ichidagi yo‘lovchi voqea joyida halok bo‘lgan.
Lacetti haydovchisi 2020-yil yanvar oyida spirtlik ichimlik iste’mol qilib mast holatda mashina boshqargani uchun vaqticha transport vositasi boshqarish huquqidan mahrum etilgani aniqlangan.
Bundan avval Toshkentda 5 ta avtomobil ishtirokida YTH sodir bo‘lgani, Namanganda mototsikl urib ketishi oqibatida ikki fuqaro shifoxonaga yotqizilgani hamda Chiroqchida ikki Nexia to‘qnashuvida 3 nafar yo‘lovchi halok bo‘lgani haqida xabar berilgandi.
Izoh (0)