Tashqi migratsiya agentligi Moskvada muhojirlar ommaviy mushtlashuvida o‘zbekistonliklar ishtirok etmaganini ma’lum qildi

Moskvada muhojirlar ommaviy mushtlashuv sodir etgani haqida xabar berilgandi. Unda O‘zbekiston va Qirg‘iziston fuqarolari o‘rtasida chiqqani aytilgan. Tashqi migratsiya agentligi mojaroda o‘zbekistonliklar ishtirok etmaganini ma’lum qildi.

“Vaziyatga oydinlik kiritish maqsadida Tashqi mehnat migratsiyasi agentligining Moskvadagi vakolatxonasi xodimlari mamlakatimizning ushbu davlatdagi elchixonasi vakillari bilan birgalikda voqea joyiga borib, Rossiya Ichki ishlar vazirligi xodimlari bilan muloqotda bo‘lib, vaziyatni o‘rgandi.

Dastlabki ma’lumotlarga ko‘ra, ushbu ommaviy mushtlashuvda O‘zbekiston fuqarolari ishtirok etmagan”, — deyiladi agentlik xabarida.