Rim papasi Fransisk jarrohlik operatsiyasini boshdan kechirdi

Rim papasi Fransisk yo‘g‘on ichak operatsiyasidan o‘tish uchun kasalxonaga yotqizildi. Bu haqda Muqaddas taxt matbuot xizmati rahbari Matteo Bruniga asoslanib, Vatican News xabar berdi.

“Bugun kunning ikkinchi yarmida (4-iyul) Rim papasi Fransisk divertikulyar yo‘g‘on ichak kasalligi bo‘yicha operatsiyadan o‘tish uchun Rimdagi A. Jemelli klinikasiga olib ketildi”, — dedi Bruni.

Operatsiya 4-iyulga rejalashtirilgan, deb yozadi Reuters Bruniga asoslanib. Muqaddas taxt matbuot xizmati rahbari jarrohlik amaliyoti natijalari to‘g‘risida xabar berishni va’da qilgan.

5-iyul kuni ANSA nashrining Matteo Bruni bayonotiga tayanib xabar berishicha, operatsiya yaxshi o‘tdi.

“Papa umumiy behushlik ostida qilingan operatsiyani yaxshi o‘tkazdi”, — dedi Bruni. Nashr ma’lumotlariga ko‘ra, papa Fransisk kasalxonada kamida besh kun yotadi.

84 yoshli Fransisk 2013-yilda papa etib saylangan. O‘shandan buyon birinchi marta kasalxonaga yotqizildi. Yoshligida Fransisk o‘pkasining bir qismi olib tashlangan. Bundan tashqari, u quymich asab yallig‘lanishidan aziyat chekadi. Ushbu kasallik oqibatidagi kuchli og‘riq tufayli papa bu yil bayramona Yangi yil ibodatiga rahbarlik qila olmagandi.