Bugun,

  • USD 11095.31
  • RUB 173.84
  • EUR 10772.44

Rim papasi Fransiskning shaxsiy shifokori bo‘lgan Fabritsio Sokkorsi koronavirusga chalingani tufayli kuchayib ketgan onkologik kasallikdan vafot etdi. Bu haqda Vatican News’ga tayanib “RBK” xabar berdi.

Foto: Global Look Press

Foto: Global Look Press

“78 yoshli Romano onkologik patologiya bilan Jemelli kasalxonasiga yotqizilgan. O‘lim COVID-19 bilan bog‘liq bo‘lgan asoratlar oqibatida yuzaga kelgan”, — deyiladi xabarda.

AFP xabariga ko‘ra, Rim papasi kelasi hafta koronavirusga qarshi emlanishni rejalashtirmoqda. Bundan tashqari, Fransisk vaksinatsiya qilishni har bir kishining “axloqiy burchi” deb bilishini va emlashdan bosh tortishni “o‘z joniga qasd qilish” deb hisoblashini bildirgan.

Fabritsio Sokkorsi 2015-yildan buyon Rim papasining shaxsiy shifokori bo‘lgan.

Eslatib o‘tamiz, 2020-yilning mart oyida Rim papasi koronavirusga chalingani haqidagi xabarlar paydo bo‘lgan, ammo Vatikan matbuot xizmati buni rad etgandi.

Izoh
Asosiy yangiliklar
Moliya
O‘zbekistondagi eng faol banklar reytingi yangilandi. Nimalar o‘zgardi?
Mahalliy
Davletmurat Tajimuratov 16 yilga qamaldi, jurnalist Lolagul Qallixanova sud zalidan ozod qilindi 
Sport
Figurali uchish bo‘yicha O‘zbekistonning 10 karra chempioni Tatyana Malininaning 18 yoshli o‘g‘li AQSH chempioniga aylandi