ArzonApteka xizmati (dorixonalarda dori-darmonlarni topish uchun bepul dastur) vakili bo‘lgan IT-park rezidenti Fom Group Birlashgan Arab Amirliklari bozoriga mashhur startapni olib chiqdi.
AppStore va GooglePlay’da mahsulotning ilk ommaviy versiyasi 2017-yilda paydo bo‘lgan. ArzonApteka ishga tushirilgandan beri arzon dori-darmonlarni topish bo‘yicha yetakchi onlayn xizmatga aylandi. Unga ulanish hamkorlarga raqamli xizmatlarning faol auditoriyasi bilan to‘g‘ridan-to‘g‘ri aloqada bo‘lish orqali, mijozlar oqimini va ularning mahsulotdan xabardorligini oshirishga imkon beradi.
ArzonApteka asoschisi Murod Mahkamov BAA bozoriga kirishni sharhlar ekan, quyidagilarni ta’kidladi: “Bizning butun jamoamiz uchun loyihaning chet elda kengaytirilishi boshlangani tarixiy qadamdir. Shaxsan men uchun bu bolalikdagi orzuimning amalga oshishi hamdir. Bolaligimda otamga kichik farmatsevtika biznesida yordam berib, ulkan dorixona tarmog‘ini yaratishni o‘ylardim va o‘z biznesimni boshlashim bilan kelajak an’anaviy sohalarda IT texnologiyalarni amalga oshirishda ekanligini anglab yetganman. Aynan o‘sha paytda ArzonApteka g‘oyasi birinchi marta paydo bo‘lgan, uning biznes modeli obyektiv qiyin davrlarda ham yuqori o‘sish sur’atlarini ta’minlashga qodir. Aslida kompaniyaning investitsiya nuqtayi nazaridan jozibadorligini oshirish hamda IT-park ekotizimi uchun eng qulay sharoitlar yaratish maqsadida loyihani boshqa bozorlarda kengaytirish qarori qabul qilingan”.
Xizmatning asosiy yo‘nalishi – O‘zbekistondagi dorixonalarda dori-darmonlarni izlash. Bugungi kunga kelib, Fom Group butun mamlakat bo‘ylab 3500 dan ortiq dorixonalarni avtomatlashtirgan, ularning foydalanuvchilari soni 1 milliondan oshgan. ArzonApteka foydalanuvchilarga kerakli dori-darmonlarning joylashuvi va narxlarini internet orqali kuzatib borish imkoniyatini beradi. Shuningdek, dasturda dorilarni yetkazib beradigan dorixonalar ro‘yxati bilan maxsus yorliq ham mavjud.
“Koronavirus bilan bog‘liq lokdaunlar mahsulotimizga bo‘lgan talabni aniq ko‘rsatib berdi. To‘g‘risi, xolis va samimiy aytishim mumkin: pandemiya boshlangan paytda respublika aholisi bunday xizmatga ega bo‘lganligi juda ham yaxshi bo‘lgan. Tafsilotlarga to‘xtalmasdan shuni eslatib o‘tish joiz, ArzonApteka ushbu og‘ir oylarda shifokorlarga bemorlarning hayotini saqlab qolish uchun juda katta yordam bergan va buning uchun men doim hamfikrlarimdan minnatdorman. Xalq e’tirofisiz, muvaffaqiyatlar tarixisiz, yorqin g‘oyasiz va eng muhimi, xalqaro mutaxassislar guruhisiz xalqaro bozorga chiqish, menimcha, imkonsizsiz edi”, – dedi Murod Mahkamov.
So‘nggi haftalarda kunlik qidiruvlar soni 70 mingga yetgan. Fom Group mutaxassislari tomonidan olib borilgan jahon farmatsevtika bozorining tahlili bo‘yicha Yaqin Sharq va Shimoliy Afrikada birinchi navbatda, dorixonalarni avtomatlashtirish darajasining nisbatan pastligi, shuningdek, iste’molchining o‘xshashligi bilan bog‘liq holatlar foydalanuvchilarning ustuvor qamrovi ekanligini ko‘rsatdi. ArzonApteka xizmatini kengaytirishning birinchi bosqichi Birlashgan Arab Amirliklaridagi makrayonga kirib, uni yanada kengaytirish uchun maqbul bozor bo‘ldi. Bir oylik intensiv ish davomida jamoa amirliklar bozorini o‘rganishga va haftada bir necha nuqtada ArzonApteka bilan bog‘lanish jarayonini boshlashga muvaffaq bo‘ldi. Dastlabki foydalanuvchilar sevimli dasturidan foydalanib, Dubaydan xarid qilishmoqda.
Reklama huquqi asosida.
