Bugun,

  • USD 11095.31
  • RUB 173.84
  • EUR 10772.44

Yaponiyadagi koronavirus pandemiyasi bilan bog‘liq favqulodda holat 20-iyundan boshlab Tokio va boshqa bir qator aholi zich joylashgan hududlarda bekor qilinadi. Bu haqda Yaponiya bosh vaziri Yosixide Suga e’lon qildi, deb yozadi “Interfaks”.

Foto: AP Photo

Foto: AP Photo

“May oyining o‘rtalaridan boshlab mamlakatda virus yuqtirishlar soni kamayib bormoqda, kasalxonalardagi koykalar bilan bog‘liq vaziyat yaxshilanmoqda. Boshqa tomondan, ayrim mintaqalarda kasallikka chalinish holatlarining kamayishi sust”, — dedi Suga matbuot anjumanida.

Shu bilan birga, u favqulodda holat o‘rniga Tokioda va mamlakatning ba’zi boshqa hududlarida bir qator cheklov choralari kuchga kirishini ma’lum qildi. Ushbu cheklovlar spirtli ichimliklar savdosiga, bar va restoranlarning ish vaqtiga taalluqli bo‘ladi. Cheklovlar 11-iyulgacha amal qiladi.

Favqulodda holat faqat Okinava prefekturasida saqlanib qoladi.

Yaponiyada Olimpiya o‘yinlarining ochilish marosimi 23-iyul kuni bo‘lib o‘tadi. Musobaqalar 8-avgustga qadar davom etadi. Musobaqaga muxlislar tashrif buyurishi mumkin yoki yo‘qligi, shuningdek, stadionlar qay darajada to‘ldirilishi hozircha noma’lum. Bunga iyun oxiriga qadar aniqlik kiritilishi kutilmoqda.

Bundan tashqari, Yaponiyada emlash pasportlari berishni boshlash rejalashtirilayotgani haqida xabar qilindi. Ta’kidlanishicha, pasportda hujjat egasining ismi, tug‘ilgan yili, fuqarolik pasporti raqami, emlash sanasi va vaksina turi yapon va ingliz tillarida ko‘rsatiladi. Hujjat bepul beriladi.

Yaponiyada emlashlar fevral oyida boshlangan. Emlash darajasi oshirilganiga qaramay, vaksina olgan Yaponiya aholisining ulushi boshqa rivojlangan mamlakatlardagiga qaraganda hali ham ancha past.

Izoh
Asosiy yangiliklar
Mahalliy
O‘zbekistonda benzin narxlarini sun’iy oshirgan AYOQSHlarga tegishli chora ko‘rilishi ma’lum qilindi
Dunyo
Armanistonda 25 ming inson umriga zomin bo‘lgan zilzila, Yaponiyaning Perl-Harborga hujumi va Janubiy Koreya qamoqxonasida 40 yil o‘tirgan KXDR fuqarosi. Kun xrono...
Sport
JCH—2022 da barcha chorak final juftliklari ma’lum bo‘ldi