Bu Belarus oshxonasining mashhur milliy taomidir. Kartoshka va tovuq go‘shtidan tayyorlangan mazkur mazali taom har qanday insonning ishtahasini ochib yuborishi aniq.
Foto: Lifehacker
Kerakli mahsulotlar:
- kartoshka – 5 dona;
- piyoz – 2 dona;
- tovuq filesi – 200 gramm;
- o‘simlik yog‘i – 2 osh qoshiq;
- un – 2 osh qoshiq;
- smetana – 2 osh qoshiq;
- sariyog‘ – 1 osh qoshiq;
- tuz va ziravorlar.
Tayyorlanish jarayoni:
- Kartoshka va piyozning yarmi qirg‘ichdan o‘tkaziladi va suvi siqib olinadi.
- Qolgan piyoz mayda to‘g‘raladi. Tovuq filesi esa mayda bo‘laklarga bo‘linadi.
- Tovada yog‘ qizdirilib, piyoz va tovuq qovuriladi va tuz, ziravorlar qo‘shiladi.
- Qovurilgan tovuq go‘shti piyoz va kartoshkali aralashmaga qo‘shiladi. Un, smetana va tuz bilan aralashtiriladi.
- Maxsus qolipga sariyog‘ suriladi va un sepiladi. Ustidan kartoshkali aralashma solinadi va yuzasi tekislanadi.
- 200 daraja pechda taxminan 40-45 daqiqa davomida pishiriladi.
Yoqimli ishtaha!
