Sony kompaniyasi 9 ming dollarlik Airpeak S1 dronini taqdim etdi. Uning videoga olish kamerasi va barqarorlashtirgichi yo‘q

Sony kompaniyasi 10-iyun kuni CES 2021 ko‘rgazmasida namoyish etilgan Airpeak S1 dronini rasman taqdim etdi. Yangi qurilma narxi 9 ming dollarni tashkil etmoqda. Shu bilan birga, dron videoga olish uchun shaxsiy kamera va uni barqarorlashtirgichga ega emas, deb xabar beradi IXBT.

Airpeak S1 droni Sony’ning A7S III, FX3 yoki Alpha kabi ko‘zgusiz kameralarida foydalanish uchun mo‘ljallangan. Kardan barqarorlashtirgich “podvesi” sifatida Gremsy T3 taklif etilgan bo‘lib, uning uchun qo‘shimcha pul to‘lash kerak bo‘ladi. Kamera bilan parvoz avtonomligi 12 daqiqani tashkil etadi. Qo‘shimcha yuklamalarsiz dronning o‘zi 22 daqiqagacha ucha oladi, ammo bu kabi foydalanishdan maqsad yo‘q.

Ixtirochilar Airpeak S1’ning o‘ziga xosligi sifatida tekis parvoz va shamolga bardosh ekanligini e’tirof etgan. Rasmiy ma’lumotlarga ko‘ra, dron soniyasiga 20 metrli tezlikda esadigan shamolda ham barqarorligicha qoladi (DJI Inspire 2’dan ko‘ra ikki barobar ko‘proq), to‘siqlardan qochish uchun esa stereokameralar va infraqizil dalnomerlar jamlanmasi javob beradi. Dronni aniq sozlashda Yaponiyaning aerokosmik tadqiqotlar agentligi mutaxassislari ishtirok etgan.

Airpeak S1 yetarli darajada tezkor bo‘lib chiqqan: soatiga 50 kilometr tezlikka 3,5 soniyada erishadi. Biroq bu kameralar o‘rnatilmagan holatda — ular bilan dron sekinroq uchadi. Qurilmani boshqarishda jamlanmasidagi kontrollerdan, shuningdek, iPhone yoki iPad’lar uchun Airpeak Flight dasturidan foydalanish mumkin, u hatto kamera va barqarorlashtirgich sozlamalarini o‘zgartirishga yordam beradi. Dronni bir va ikki kishi bo‘lib boshqarsa bo‘ladi. Ikkinchi holatda foydalanuvchilardan biri parvozni, ikkinchisi — kamerani boshqaradi.

Airpeak S1 jamlanmasidan, shuningdek, kontroller, ikkita parrak jamlanmasi, ikkita akkumulyator va quvvatlantirgich moslamasi mavjud. Uchuvchisiz boshqariladigan uchish qurilmasini kuzdan yetkazib berish boshlanadi.