Yoz faslida oq rang: har qanday ko‘rinish uchun mos keladigan zamonaviy obrazlar (foto)

Stilistlar ob-havodan va har qanday mavsumdan qat’i nazar, butun yil davomida oq rangni, shu jumladan, umumiy oq obrazni tavsiya etmoqda.

Avvalo, shuni unutmaslik kerakki, o‘zining ko‘p qirraliligi bilan oq rangdagi kiyimlar qora rang bilan osonlikcha raqobatlasha oladi. Har doim, hamma joyda va har qanday uslubga mos keladi.

Agar ish uchun yozgi obraz tanlash kerak bo‘lsa, keng shim yoki hech bo‘lmaganda, oq kostyumni sinab ko‘rish mumkin. Birinchi variant tashqi ko‘rinish uchun uzoq vaqt azob chekishni yoqtirmaydiganlar uchun to‘g‘ri keladi. Kostyum va shimni birgalikda yoki alohida kiyish ham ajoyib obrazni yaratadi.

Oq rangdagi turli xil mato bilan ajoyib obraz yaratish unchalik ham mushkul emas. Maxsus uchrashuv uchun tanlangan oq libosni kumush oyoq kiyim va bejirim sumka bilan to‘ldirish tavsiya etiladi. Ushbu ko‘rinish klassik uslubdan yaxshigina ajralib turadi.

Va albatta, yozda oq krossovkalar ham bo‘lishi kerak. Ularsiz barcha uchun qulay bo‘lgan obrazni yaratishning imkoni yo‘q. Shuning uchun oq rangdagi krossovkalar oq shim, yubka va ko‘ylaklar bilan ham ajoyib kombinatsiyani hosil qiladi.