Sharqiy Quddusda falastinliklar va Isroil politsiyasi o‘rtasida to‘qnashuvlar davom etayotgan al-Aqso masjidi oldidagi daraxt yonib ketdi. Bu haqda Reuters xabar berdi.

Foto: Reuters

Xabarga ko‘ra, yong‘in tezda o‘chirilib, masjidga hech qanday zarar yetkazilmagan. Isroil politsiyasining bayonotiga ko‘ra, yong‘in kelib chiqishiga petarda sabab bo‘lgan. Politsiya vakili o‘sha paytda Isroil xavfsizlik kuchlari shovqin tarqatuvchi granatalar uloqtirganmi yoki yo‘qligi haqida aniq aytmadi.

https://twitter.com/GNNANOW/status/1391811525237739524

Al-Aqso masjidi hududida Isroil politsiyasi va falastinliklar o‘rtasida to‘qnashuvlar 7-may, juma kunidan beri davom etmoqda. To‘qnashuvlar natijasida bir necha yuz kishi jabrlandi. Qarama-qarshiliklar Quddus sharqidagi bir nechta falastinlik oilalarni uylaridan haydab chiqarish to‘g‘risidagi sud qaroridan keyin boshlandi.

10-may kuni Ma’bad tog‘idagi al-Aqso masjidida politsiya bilan to‘qnashuvlarda 280 ga yaqin falastinlik jarohat olgani haqida xabar berildi. Qizil yarim oyning so‘nggi ma’lumotlariga ko‘ra, to‘qnashuvlar natijasida 395 falastinlik jarohat olgan, ulardan 263 nafari kasalxonaga yotqizilgan.

“Tartibsizlik fonida G‘azo sektoridan Quddusga yettita raketa otilgan, ulardan biri ‘temir gumbaz’ havo hujumidan mudofaa tizimi tomonidan urib tushirilgan, qolganlari esa aholi yashamaydigan joyda portlagan”, — deb yozadi The Times of Israel. Gazetaning yozishicha, hujumlar uchun javobgarlikni “Falastin islomiy jihodi” terrorchilik guruhi o‘z zimmasiga olgan.

Mavzuga doir: