Nyu-Yorkda britaniyalik mashhur ko‘cha rassomi Benksining Love is in the Air (“Havoda ufurayotgan sevgi”) nomli kartinasi sotuvga qo‘yildi. Sotheby’s san’at asari uchun to‘lovni kriptovalyuta ko‘rinishida qabul qilishga tayyor birinchi auksion uyiga aylandi, deb xabar beradi Esquire.
Foto: Legion Media
Savdolar 12-may kuni bo‘lib o‘tadi. Benksining kartinasi hozirda 3-5 million dollar atrofida baholanmoqda. Savdolar dollarda o‘tkaziladi, ammo g‘olib birinchi bor to‘lovni kriptovalyutada — bitkoin yoki efiriumda amalga oshirishi mumkin.
Sotheby’s xaridorga bu kabi imkoniyatni yirik kriptobirjalardan biri Coinbase bilan amalga oshirilgan hamkorlik doirasida taqdim etmoqda.
Avvalroq Christie’s auksion uyi birinchi bor kriptovalyutada (efirium) to‘lovlarni qabul qilishga rozi bo‘lgan edi — mart oyida rassom Beeple’ning kartinasi 69,3 million dollarga sotilgan.
Aprel oyida Sotheby’s kriptovalyutaga raqamli rassom RAKning ishlari bog‘langan NGT-tokenlar kolleksiyasini kriptovalyutaga sotgan edi. Ikki kunlik savdolar davomida jami 16,8 million dollarlik tokenlar sotilgan edi.
Avvalroq Benksining superqahramon-hamshira haqidagi surati auksionda qariyb 17 million funtga sotilib, rassomning eng qimmat asariga aylangani to‘g‘risida xabar berilgandi.
