“Real” Ispaniya Chempionatining 31-turida “Kadis”ga qarshi kechgan 21-aprel kungi bahsda g‘alaba qozondi (3:0).

Foto: Twitter

Bu o‘yinda madridliklar hujumchisi Karim Benzema dubl muallifiga aylandi va Alvaro Odriosolaning goliga hammuallif bo‘ldi.

“Real”dagi faoliyati mobaynida fransiyalik futbolchi jamoaning 392 ta golida qatnashdi: 276 gol va 116 assist.

Benzema “Real”dagi golli uzatmalar soni bo‘yicha Raul va Krishtianu Ronalduga yetib oldi (ikkisida ham 116 tadan assist). Bu klub uchun so‘nggi 25 yil ichidagi eng yaxshi natija hisoblanadi.

Benzema joriy mavsum La Ligada 28 ta o‘yin o‘tkazib, 21 gol va 7 golli uzatma muallifiga aylandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!