Bugun,

  • USD 11095.31
  • RUB 173.84
  • EUR 10772.44

Angliya poytaxti London shahrining markazida marhum shahzoda Filipp xotirasiga yodgorlik o‘rnatish rejalashtirilmoqda. Mamlakatda katta siyosiy kuchga ega bo‘lgan Britaniya parlamenti bu taklifni qo‘llab-quvvatladi, deb yozmoqda The Telegraph gazetasi.

Foto: Getty Images

Foto: Getty Images

Yodgorlik London markazida joylashgan Bukingem saroyi yonidagi Mell ko‘chasiga o‘rnatiladi. Mamlakat bosh vaziri Boris Jonson ham katta ehtimol bilan yodgorlik o‘rnatilishini qo‘llab-quvvatlaydi, deb yozdi gazeta. Shuningdek, muxolifat Leyboristlar partiyasining yetakchisi Kir Starmer ham ushbu tashabbusni ma’qulladi.

Nashr ma’lumotlariga ko‘ra, shahzoda Filipp yodgorligining o‘rnatilishi istagan odam berishi mumkin bo‘lgan xayriya hisobidan qisman moliyalashtiriladi.

Yodgorlik o‘rnatilishi rejalashtirilgan Mell ko‘chasida qirolicha Yelizaveta II ning ota-onasi — qirol Georg VI va uning turmush o‘rtog‘i Yelizaveta Bouz-Layonning ham haykallari joylashgan.

Edinburg gersogi, Yelizaveta II ning turmush o‘rtog‘i Filipp 9-aprel kuni 99 yoshida vafot etdi. U Britaniya qirollik oilasi tarixidagi eng uzoq umr ko‘rgan erkak bo‘ldi, lekin u, shuningdek, 1861-yilda vafot etgan Buyuk Britaniya monarxining turmush o‘rtog‘i shahzoda Albert davridan buyon qirolichadan oldin hayotdan ko‘z yumgan birinchi odamga aylandi.

Shahzoda Filippning dafn marosimi 17-aprel kuniga belgilangan. Pandemiyaga qarshi kurash doirasidagi cheklovlar sababli marosim Vindzor qasrida oila a’zolarining tor davrasida o‘tkaziladi. Dafn marosimigacha Buyuk Britaniyada milliy motam e’lon qilingan.

Izoh
Asosiy yangiliklar
Dunyo
Ukraina 2 ta aerodromga dronlar bilan zarba berishga urindi — Rossiya Mudofaa vazirligi
Mahalliy
O‘zbekistonda noyabr oyida qancha chaqaloq tug‘ilgani ma’lum bo‘ldi
Mahalliy
“Mehnati ko‘p bo‘lsa-da, maoshi kam, olgan puli halol bo‘lsin”. Jamoatchilik elektr montyorlarni olqishlamoqda