Superliga. “Andijon” o‘z uyida “Mash’al”ni mag‘lub etolmadi
Futbol bo‘yicha O‘zbekiston Superligasining 4-turida “Andijon” va “Mash’al” jamoalari 1-aprel, payshanba kuni o‘zaro bahs yuritdi.
Uchrashuvning 23-daqiqasida mehmonlar legioneri Samuel Chigozi hisobni ochdi. 35-daqiqada Jasur Jaloliddinov o‘zi ishlab olgan penaltini golga aylantirgan holda muvozanatni tikladi.
Qolgan vaqtda hisob o‘zgarmadi va jamoalar murosa yo‘lini tanladi. Mazkur o‘yindan keyin har ikki jamoaning ochkolari 4 taga yetdi.
Keyingi turda “Mash’al” o‘z uyida “Qo‘qon-1912”ni qabul qilsa, “Andijon” “Metallurg” maydonida mehmon bo‘ladi.
Uchrashuvdagi gollar videosini bu yerda tomosha qilish mumkin — video.
Superliga
4-tur bahsi
1-aprel, payshanba
“Andijon” — “Mash’al” 1:1
Gollar: 0:1 – 23 Chigozi, 1:1 – 35, penalti Jaloliddinov.“Andijon”: Nizomiddin Ziyovuddinov, Edgar Bernhardt (Diyor Rahimqulov, 70), Usmonali Ismonaliyev, Abduvohid G‘ulomov, Martin Boake, Bahtiyor Qosimov (Kamron Saidazimov, 46), Jasur Jaloliddinov, Doniyor Ismoilov (Farhod Sohibjonov, 70), Sunnatilla Hamidjonov, Doniyor Abdumannopov, Plamen Dimov.
“Mash’al”: Shohruh Eshbo‘tayev, Ifiani Ifiani, Humoyun Murtozayev, Samuel Ononivu (Ukeme Uilliams, 88), Shahzod Shaymanov, Jamoliddin Ubaydullayev, Abbos Shodmonov, Sardor Abduraimov (Doniyor Usmonov, 82), Xudoyorxon Sagdullayev (Muhammad Yo‘ldoshev, 61), Siroj Qo‘ziyev, Samandar Shukurillayev.
Ogohlantirishlar: Qosimov (10), Hamidjonov (46).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
