Foto: Oddiy qora vodolazka bilan o‘ziga xos ko‘rinish mumkinligi yulduzlar obrazi misolida

Sovuq kunlarda kiyish uchun ayni muddao bo‘lgan vodolazka bilan turli obrazlar yaratib bo‘lmaydi, deb o‘ylaganlar yanglishadi. To‘g‘ri aksessuar tanlash va boshqa kiyimlarni moslash bilan ko‘ngildagidek ko‘rinishga ega bo‘lish mumkin.

Midi va maksi uzunligidagi yubka

Midi yoki maksi uzunligidagi istalgan yubka bilan ko‘ngildagidek obraz yaratish mumkin. Uzun modellarni hech ikkilanmasdan ofis yoki oqshom tadbirlariga kiysa bo‘ladi. Plissirovkali yubkaning kalta varianti bilan esa kundalik obrazlar yaratish mumkin.

Kofta

Vodolazka nafaqat asosiy, balki kiyinish uslubiga alohida urg‘u beradigan qo‘shimcha element ham hisoblanadi. Masalan, uning ustidan kofta kiyib, o‘ziga xos ko‘rinish mumkin.

Quyoshdan himoya qiluvchi ko‘zoynak

Yulduzlar aksariyat hollarda quyoshdan himoya qiluvchi ko‘zoynakni vodolazkaga moslashni afzal biladi. Siz ham ulardan ilhomlanib, mazkur aksessuar bilan qishin-yozin obrazga urg‘u berishingiz mumkin.

Charm matodan tikilgan shimlar

Vodolazkalar bilan jinsi va charm matodan tikilgan shim kiyishingiz mumkin. Bunday kombinatsiya nafaqat kundalik, balki oqshom obrazlari uchun ham ayni muddao.

Palto

Didli va qulay kiyinish uchun vodolazka ustidan palto kiyishning o‘zi kifoya.

Sharf va ro‘mol

Kurtka yoki paltoni yechganda obraz tugallanmagandek ko‘rinishini istamasangiz, bo‘yningizga ro‘mol o‘rab, uni to‘ldiring.

Pidjak va klassik shim

Pidjakni klassik uslubdagisini, street style’ni xush ko‘radiganlar esa oversize’ini ham tanlashi mumkin. Shim bilan esa hammasi boshqacharoq. Masalan, beldan pastda turadigan klassik bichimli shimlar ofis uchun ayni muddao. Keng bichimli modellar esa kundalik obraz uchun yaxshi tanlov.

Kostyum-shim

Kostyum-shim va vodolazka ofis uchun eng yaxshi variant. Buning uchun uni monoxrom, ya’ni bir rangdagi, keng va harakatlanish qulay bo‘lgan variantlarini tanlang. Bu borada Irina Sheykning kiyinish uslubidan ilhomlanish, to‘q rangda kiyinib, rang-barang sumka bilan obrazga urg‘u berish mumkin. Yo bo‘lmasa, Rouzi Xantington singari vodolazka rangidagi aksessuar xarid qilish mumkin.

Zanjir

Vodolazka bilan zanjir taqib ham noodatiy ko‘rinishga ega bo‘lish mumkin. Boshqa taqinchoqlardan farqli o‘laroq, hajmli zanjir ko‘rinishni jiddiy, shu bilan birga zamonaviy qilib ko‘rsatadi.